യുജിസി നെറ്റ് ഡിസംബർ 2024: ജനുവരി 15ലെ പരീക്ഷ മാറ്റിവെച്ചു

ന്യൂഡൽഹി: 2024 ഡിസംബറിലെ യുജിസി നെറ്റ് പരീക്ഷ തീയതിയിൽ മാറ്റം. 2025 ജനുവരി 15ന് നടത്താനിരുന്ന പരീക്ഷയുടെ തീയതിയാണ് മാറ്റിയത്. മകരസംക്രാന്തി, പൊങ്കൽ അടക്കമുള്ള ഉത്സവങ്ങള്‍ കണക്കിലെടുത്താണ് ഈ ദിവസം നടത്താനിരുന്ന യുജിസി നെറ്റ് പരീക്ഷ മാറ്റിയത്. പുതുക്കിയ തീയതി പിന്നീട് അറിയിക്കും.

ജനുവരി 15ന് രാവിലെ സംസ്കൃതം, ജേർണലിസം, ജാപ്പനീസ്, പെർഫോമിംഗ് ആർട്ട്, ഇലക്ട്രോണിക് സയൻസ്, നിയമം തുടങ്ങിയ വിഷയങ്ങളിലും വൈകുന്നേരം മലയാളം, ഉർദു, ക്രിമിനോളജി, കൊങ്കണി, പരിസ്ഥിതി ശാസ്ത്രം എന്നീ വിഷയങ്ങളിലുമുള്ള പരീക്ഷകളാണ് നടക്കേണ്ടിയിരുന്നത്. മറ്റു ദിവസങ്ങളിലെ പരീക്ഷ തീയതികളിൽ മാറ്റമില്ല. ജനുവരി 16ലെ പരീക്ഷ മുൻ നിശ്ചയിച്ച പ്രകാരം നടക്കും.