സോണിയാ ​ഗാന്ധിയെ ആശുപത്രിയിൽ പ്രവേശിപ്പിച്ചു

ന്യൂഡൽഹി: കോൺ​ഗ്രസ് മുൻ അധ്യക്ഷ സോണിയാ ​ഗാന്ധിയെ ആശുപത്രിയിൽ പ്രവേശിപ്പിച്ചു. ഗുരുഗ്രാമിലെ മേദാന്ത ആശുപത്രിയിലാണ് പ്രവേശിപ്പിച്ചത്. നേത്രചികിത്സയ്ക്ക് പോയതാണെന്നും ആശങ്കപ്പെടേണ്ട സാഹചര്യമില്ലെന്നും കോൺ​ഗ്രസ് വൃത്തങ്ങൾ അറിയിച്ചു.

ജനുവരിക്ക് ശേഷം ഇത് മൂന്നാം തവണയാണ് സോണിയ ആശുപത്രിയിലാകുന്നത്. നേരത്തെ ജനുവരിയിൽ ശ്വാസകോശ സംബന്ധമായ അസ്വസ്ഥതകളെ തുടർന്ന് ആശുപത്രിയിൽ പ്രവേശിപ്പിച്ചിരുന്നു. ആ സമയത്ത് ആരോഗ്യനിലയിൽ നേരിയതോതിൽ വഷളായിരുന്നു.

നിലവിൽ രാജസ്ഥാനിൽ നിന്നുള്ള രാജ്യസഭാംഗമാണ് സോണിയ ഗാന്ധി.