ഗുജറാത്തില്‍ ട്രെയിന്‍ തട്ടി സിംഹത്തിന് ഗുരുതര പരിക്ക്; വാല്‍ അറ്റുപോയ നിലയില്‍ ട്രാക്കിൽ

അഹമ്മദാബാദ് : ​ഗുജറാത്തിലെ അമ്രേലി ജില്ലയിൽ ട്രെയിൻ അപകടത്തിൽ സിംഹത്തിന്റെ വാലറ്റു. ഇടിയുടെ ആഘാതത്തിൽ ​ഗുരുതരമായി പരിക്കേറ്റ സിംഹത്തെ വാലിന്റെ ഒരു ഭാ​ഗം അറ്റുപോയ നിലയിൽ റെയിൽവേ ട്രാക്കിൽ കണ്ടെത്തുകയായിരുന്നു.

ലിലിയക്കും ദാം​ന​ഗറിനും ഇടയിലുള്ള ട്രാക്കിലാണ് സംഭവം. ഇം​ഗോ​രാ​ള ഗ്രാ​മ​ത്തി​നു സ​മീ​പം ര​ണ്ട് സിം​ഹ​ങ്ങ​ൾ റെ​യി​ൽ​വേ ട്രാ​ക്ക് മു​റി​ച്ചു​ക​ട​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​ത്. പി​പാ​വ​വ് തു​റ​മു​ഖ​ത്തു​നി​ന്ന് ധാ​സ​യി​ലേ​ക്ക് സ​ഞ്ച​രി​ക്കു​ക​യാ​യി​രു​ന്ന ഗു​ഡ്സ് ട്രെ​യി​നാ​ണ് സിം​ഹ​ത്തെ ഇ​ടി​ച്ച​ത്.

റെ​യി​ൽ​വേ അ​ധി​കൃ​ത​ർ ഉടൻ വ​നം​വ​കു​പ്പിനെ വിവരമറിയിക്കുകയും സംഘം സ്ഥലത്തെത്തി സ്ഥി​തി​ഗ​തി​ക​ൾ വി​ല​യി​രു​ത്തുകയും ചെയ്തു. ട്രാ​ക്കി​ൽ പ​രി​ശോ​ധ​ന ന​ട​ത്തു​ന്ന​തി​നാ​യി ട്രെ​യി​ൻ നി​ർ​ത്തി​യി​ട്ടു. തു​ട​ർ​ന്ന് ന​ട​ത്തി​യ തെ​ര​ച്ചി​ലി​ലാ​ണ് സിം​ഹ​ത്തി​ൻറെ അ​റ്റു​പോ​യ വാ​ലി​ൻറെ ഭാ​ഗം വ​ന​പാ​ല​ക​ർ ക​ണ്ടെ​ടു​ത്ത​ത്. പ​രി​ക്കേ​റ്റ സിം​ഹം സ​മീ​പ​ത്തെ കൃ​ഷി​യി​ട​ങ്ങ​ളി​ലേ​ക്ക് ഓ​ടി​മ​റ​ഞ്ഞതായി വ​നം​വ​കു​പ്പ് സ്ഥി​രീ​ക​രി​ച്ചു. സിം​ഹ​ത്തെ ക​ണ്ടെ​ത്തി അ​ടി​യ​ന്ത​ര വെ​റ്റ​റി​ന​റി ചി​കി​ൽ​സ ല​ഭ്യ​മാ​ക്കു​ന്ന​തി​നാ​യി ആ​ധു​നി​ക ട്രാ​ക്കിം​ഗ് ഉ​പ​ക​ര​ണ​ങ്ങ​ളു​മാ​യി വ​നം​വ​കു​പ്പ് സം​ഘം സ​മീ​പ​ത്തെ കാ​ടു​ക​ളി​ലും കൃ​ഷി​യി​ട​ങ്ങ​ളി​ലും തെ​ര​ച്ചി​ൽ നടത്തിയെങ്കിലും കണ്ടെത്താനായില്ല.