Deshabhimani

'ഞങ്ങളെ എന്തിനാണ് ഒളിപ്പിക്കുന്നത് ?' ബ്രിക്സ് ഉച്ചകോടിയുടെ പേരിൽ ഡല്‍ഹിയിലെ ഗലികൾ ഷീറ്റുകൊണ്ട് മറച്ചു, ദൃശ്യങ്ങൾ

delhi

ഡൽഹിയിലെ വീടുകൾ ഷീറ്റ് കൊണ്ട് മറച്ചിരിക്കുന്നു | ഫോട്ടോ പി വി സുജിത്

വെബ് ഡെസ്ക്

Published on Sep 12, 2026, 10:48 AM | 1 min read

ന്യൂഡൽഹി: ബ്രിക്സ് ഉച്ചകോടിക്ക് തലസ്ഥാനം വേദിയാകുമ്പോൾ ഡൽഹിയിലെ പ്രദേശങ്ങൾ കൂറ്റൻ ഷീറ്റുകൾ ഉപയോ​ഗിച്ച് മറച്ച് കേന്ദ്രം. ഐഐടിയിൽ നിന്ന് റാവു തുലാ മാർഗിലേക്കുള്ള വസന്ത് കുഞ്ജ് പാതയിലാണ് അധികൃതർ പുതിയ നിയന്ത്രണങ്ങളും മറകളും ഏർപ്പെടുത്തിയിരിക്കുന്നത്. വിദേശ പ്രതിനിധികളുടെ കണ്ണിൽപ്പെടാതിരിക്കാൻ പാവപ്പെട്ടവരുടെ വാസസ്ഥലങ്ങൾ ഷീറ്റുകൾ ഉപയോ​ഗിച്ച് മറച്ചിരിക്കുന്നതിന്റെ ദൃശ്യങ്ങളും പുറത്തുവന്നു.


delhi ഡൽഹിയിലെ വീടുകൾ ഷീറ്റ് കൊണ്ട് മറച്ചിരിക്കുന്നു | ഫോട്ടോ പി വി സുജിത്


"ഞങ്ങളെ എന്തിനാണ് ഇങ്ങനെ ഒളിപ്പിച്ചു വെക്കുന്നത്?" എന്നാണ് ചേരിനിവാസികൾ ചോദിക്കുന്നത്. ഇന്നലെ രാത്രി പോലീസുകാർ വന്ന് കർട്ടനിട്ട് മറച്ചു. പുറത്തു നിന്നും വലിയ ആളുകൾ ഒക്കെ വരുന്നതല്ലേ, അവർ ഞങ്ങളുടെ ഗലികൾ കാണാതിരിക്കാനാകും. വൃത്തിയും വെടിപ്പും ഒന്നുമില്ലലോ എന്നാണ് പ്രദേശവാസികൾ പറയുന്നത്.

delhi ഫോട്ടോ പി വി സുജിത്


ജി 20 സമയത്തും ഇത് പോലെ മറച്ചിരുന്നു. ഞങ്ങളെ മുഴുവൻ പിന്നിലേക്ക് മാറ്റി ഷീറ്റുകൾ ഉപയോ​ഗിച്ച് മറച്ചു. ഇപ്പോൾ വീണ്ടും അത് പോലെ തന്നെയാണ് ചെയ്യുന്നതെന്നും അവർ സങ്കടത്തോടെ പറയുന്നു. വിദേശ വിശിഷ്ടാതിഥികളുടെ മുന്നിൽ രാജ്യത്തെ ദാരിദ്ര്യം മറച്ചുവെക്കാനാണ് ഭരണകൂടം ശ്രമിക്കുന്നതെന്ന് വലിയൊരു വിഭാഗം ജനങ്ങൾ കുറ്റപ്പെടുത്തുന്നു.


delhi ഫോട്ടോ പി വി സുജിത്



2023-ലെ ജി20 ഉച്ചകോടിയുടെ സമയത്തും, വിദേശ നേതാക്കൾ കടന്നുപോകുന്ന പാതയോരത്തെ സമാനമായ രീതിയിൽ ഗലികൾ വലിയ ഷീറ്റുകൾ ഉപയോ​ഗിച്ച് മറച്ചിരുന്നു. കൂടാതെ അന്ന് ഏർപ്പെടുത്തിയ കടുത്ത നിയന്ത്രണങ്ങൾ സാധാരണക്കാരായ ഇവരുടെ ദൈനംദിന ജീവിതത്തെയും ചെറുകിട കച്ചവടങ്ങളെയും സാരമായി ബാധിച്ചിരുന്നതായി ഇവർ ചൂണ്ടിക്കാട്ടുന്നു.

delhi ഫോട്ടോ പി വി സുജിത്


സെപ്റ്റംബർ 12, 13 തീയതികളിലാണ് ഡൽഹിയിൽ ബ്രിക്സ് ഉച്ചകോടി നടക്കുന്നത്. ഇതിന്റെ ഭാഗമായി സെപ്റ്റംബർ 11 മുതൽ 13 വരെ ഡൽഹി ട്രാഫിക് പോലീസ് നഗരത്തിൽ വ്യാപകമായ ഗതാഗത നിയന്ത്രണങ്ങളും ഗതാഗത വഴിതിരിച്ചുവിടലുകളും ഏർപ്പെടുത്തിയിട്ടുണ്ട്.








deshabhimani section

Related News

View More
0 comments
Sort by

Deshabhimani
Home