യുവാക്കൾക്കും വിദ്യാർഥികൾക്കും ഐക്യദാർ‌‍ഢ്യവുമായി പ്രതിപക്ഷ എംപിമാർ; ​ഗാന്ധി സ്മൃതിയിലേക്ക് മാർച്ച്

ന്യൂഡൽഹി: ഡൽഹിയിൽ‌ നീറ്റ് പ്രക്ഷോഭം കത്തിപ്പടരവെ കേന്ദ്ര സർക്കാരിൻ‌റെ ജനാധിപത്യ വിരുദ്ധ‌ നടപടിക്കെതിരെ ​ഗാന്ധി സ്മൃതിയിലേക്ക് പ്രതിപക്ഷ എംപിമാരുടെ മാർച്ച്. ധർമേന്ദ്ര പ്രധാന്റെ രാജി ആവശ്യത്തിനൊപ്പം കേന്ദ്ര സർക്കാർ രാജ്യത്ത് നടപ്പാക്കിയ വിദ്യാർഥി വിരുദ്ധ- ജനവിരുദ്ധ നയങ്ങളെ ആകെ ചോദ്യംചെയ്തുള്ള മുദ്രാവാക്യങ്ങൾ പ്രക്ഷോഭത്തിൽ മുഴങ്ങി. ആറ് മണിക്ക് ശേഷം കടകൾ തുറക്കാൻ പാടില്ല, ഇന്റർനെറ്റി സൗകര്യം ഇല്ല, സർവ ഇടങ്ങളിലും ബാരിക്കേഡുകൾ വച്ച് പ്രതിരോധം തുടങ്ങി, സമരത്തെ ചവിട്ടിയരക്കാൻ കഴിയാവുന്ന എല്ലാ മാർ​ഗങ്ങളും നോക്കുമ്പോഴാണ് യുവാക്കളുടെ സമരത്തിന് ശക്തമായ പിന്തുണ നൽകി മിന്നൽ പ്രതിഷേധമായി എംപിമാർ എത്തിയത്. ​ഗാന്ധി സ്മൃതിയിലെത്തി ​ജന​ഗണമന പാടിക്കൊണ്ടായിരുന്നു സമരത്തിന് തുടക്കമായത്. ശക്തമായ പ്രതിരോധത്തെ ഇല്ലാതാക്കി എംപിമാരുടെ മാർച്ച് മുന്നോട്ടുനീങ്ങി

എംപിമാർ എത്തിയതോടെ നിരവധി പ്രവർ‌ത്തകരും ഒപ്പം കൂടി. ബാരിക്കേഡ് വച്ച് തടുക്കാൻ‌ പൊലീസ് ശ്രമം നടത്തിയെങ്കിലും ജനകീയ ശക്തിക്ക് മുന്നിൽ പ്രതിരോധം മറിഞ്ഞുവീഴുകയായിരുന്നു. വലിയ പൊലീസ് സന്നാഹമാണ് പ്രതിഷേധ സ്ഥലത്ത് എത്തിയിരിക്കുന്നത്. തീസ് ജനുവരി റോഡിന് സമീപം സംഘർഷ അന്തരീക്ഷവുമുണ്ടായിരുന്നു. ബസ് കുറുകെയിട്ട് പ്രതിപക്ഷത്തിൻ്റെ മാർച്ച് തടയാൻ ശ്രമിച്ചതായും റിപ്പോർട്ടുണ്ട്.

എം​പി​മാ​രാ​യ കെ.​സി. വേ​ണു​ഗോ​പാ​ൽ, പ്രി​യ​ങ്ക ഗാ​ന്ധി,ജോ​ൺ ബ്രി​ട്ടാ​സ്, എ.​എ. റ​ഹീം, ഹാ​രി​സ് ബീ​രാ​ൻ, പി. ​സ​ന്തോ​ഷ് കു​മാ​ർ എ​ൻ.​കെ. പ്രേ​മ​ച​ന്ദ്ര​ൻ, വി.കെ ശ്രീകണ്ഠൻ, ഷാഫി പറമ്പിൽ തു​ട​ങ്ങി​യ​വ​രും രാ​ഹു​ൽ ഗാ​ന്ധി​ക്കൊ​പ്പ​മു​ണ്ടാ​യി​രു​ന്നു. ഗാ​ന്ധി​ജി​യു​ടെ സ്മൃ​തി കു​ടീ​ര​ത്തി​ന് മു​ൻ​പി​ൽ പ്രാ​ർ​ഥി​ച്ചും മെ​ഴു​കു​തി​രി​ക​ൾ ക​ത്തി​ച്ചു​മാ​ണ് നേ​താ​ക്ക​ൾ വി​ദ്യാ​ർ​ത്ഥി​ക​ൾ​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച​ത്. കേരളത്തിൽ നിന്നുമുള്ള കോൺഗ്രസ് നേതാക്കളായ എം. ലിജു, അബിൻ വർക്കി എന്നിവരും പ്രതിഷേധത്തിൻറെ ഭാഗമായി.

ഇന്ന് വൈകുന്നേരം രാഹുലിന്റെ വസതിയിൽ പ്രതിപക്ഷ എംപിമാരുടെ യോഗം നടന്നിരുന്നു. യോഗം അവസാനിച്ചതിന് പിന്നാലെ തങ്ങൾ ഗാന്ധിസ്മൃതിയിലേക്ക് പോവുകയാണെന്ന് പ്രഖ്യാപിക്കുകായിരുന്നു. പ​രീ​ക്ഷാ ക്ര​മ​ക്കേ​ടു​ക​ൾ​ക്കും വി​ദ്യാ​ർ​ത്ഥി​ക​ളു​ടെ ജീ​വ​ഹാ​നി​ക്കും ഉ​ത്ത​ര​വാ​ദി​യാ​യ കേ​ന്ദ്ര വി​ദ്യാ​ഭ്യാ​സ മ​ന്ത്രി ധ​ർ​മേ​ന്ദ്ര പ്ര​ധാ​ൻ ഉ​ട​ൻ രാ​ജി​വെ​ക്ക​ണ​മെ​ന്ന് ആ​വ​ശ്യ​പ്പെ​ട്ടു​കൊ​ണ്ടാ​ണ് പ്ര​തി​പ​ക്ഷ നേ​താ​ക്ക​ൾ ബി​ർ​ള ഹൗ​സി​ൽ പ്ര​തി​ഷേ​ധ​വു​മാ​യെ​ത്തി​യ​ത്.

രാവിനെ പകലാക്കി, ലാത്തിയടിയിൽ മുറിവേറ്റ ശരീരവുമായി പിടയുമ്പോഴും കേന്ദ്രത്തിന്റെ ഫാസിസ്റ്റ് നടപടികൾക്ക് മുന്നിൽ മുട്ടുമടക്കില്ലെന്ന് പ്രഖ്യാപിക്കുകയാണ് സമരക്കാർ. രാജ്യമാകെയും ലോകത്തെ വിവിധ രാജ്യങ്ങളിലും നിന്നുള്ള പിന്തുണയാണ് സമരത്തിന് ദിവസേന കിട്ടിക്കൊണ്ടിരിക്കുന്നത് . അംബേദ്കർ‌ ചിത്രവുമായി ജനാധിപത്യത്തിന്റെ സംരക്ഷകരായി ജന്തർ മന്തറിൽ പതിനായിരങ്ങൾ സഹന സമരത്തിലേർ‌പ്പെടുമ്പോൾ സിനിമ -കായികം എന്നുതുടങ്ങി മുഴുവൻ രം​ഗത്തു നിന്നും സമരത്തിനുള്ള പിന്തുണ ദിനം തോറും ഏറുകയാണ്.