'നിന്റെ ബാല്യം തിരിച്ചുനൽകാനാവില്ല, പക്ഷേ അയാൾ ഇനി ഒരിക്കലും പുറത്തിറങ്ങില്ല'; 10വയസുകാരിക്ക് ജഡ്ജിയുടെ സന്ദേശം

"പ്രിയപ്പെട്ട മോള, മോൾ പറഞ്ഞത് ഈ കോടതി കേട്ടു. 'അങ്കിൾ വയസ്സനാകുന്നതുവരെ അയാളെ ജയിലിൽ തന്നെ ഇടണം' എന്ന് പറഞ്ഞപ്പോൾ ഈ കോടതി അത് ശ്രദ്ധിച്ചു, നിന്റെ ആവശ്യത്തിന് ഉത്തരം നൽകുകയും ചെയ്തു. നീ 'അങ്കിൾ' എന്ന് വിളിച്ചയാൾ ഇനി ഒരിക്കലും പുറത്തിറങ്ങില്ലെന്ന് ഇന്ന് ഈ കോടതി ഉത്തരവിട്ടിരിക്കുന്നു. അയാൾ തടവറയ്ക്കുള്ളിൽ തന്നെ ജീവിക്കും, അവിടെക്കിടന്ന് വയസ്സനാകും, ആ കൂട്ടിൽ കിടന്നുതന്നെ മരിക്കും. ഇനി ഒരിക്കലും നിന്നെയോ നിന്റെ അനിയത്തിയെയോ മറ്റേതെങ്കിലും കുട്ടിയെയോ ഉപദ്രവിക്കാൻ അയാൾക്കാവില്ല. ഈ കോടതി ഇതുവരെ കണ്ടതിൽ വെച്ച് ഏറ്റവും ധൈര്യശാലിയായ പെൺകുട്ടിയാണ് നീ. നീ കോടതിയിൽ വന്നു, നിന്നെ ഉപദ്രവിച്ചയാളെ ചൂണ്ടിക്കാണിച്ചു, സത്യം വിളിച്ചുപറഞ്ഞു. നീ 'അങ്കിൾ' എന്ന് വിളിച്ചയാൾ നിന്നോട് വളരെ മോശമായ കാര്യമാണ് ചെയ്തത്. എന്നാൽ നീ നിശബ്ദയായിരുന്നില്ല. നീ അമ്മയോട് പറഞ്ഞു. സംസാരിക്കാൻ നീ കാണിച്ച ആ ധൈര്യം കാരണം, മറ്റൊരു കുട്ടിയെ ഉപദ്രവിക്കാൻ അയാൾക്കാകില്ല ഇനി. നിന്റെ ബാല്യം തിരിച്ചുനൽകാൻ ഈ കോടതിക്കാവില്ല. പക്ഷേ, നിന്റെ വാക്കുകൾ കേട്ടിട്ടുണ്ടെന്ന് ഈ കോടതി ഉറപ്പുനൽകുന്നു. നിന്റെ ആവശ്യം അനുവദിച്ചിരിക്കുന്നു. നിന്നെ ഉപദ്രവിച്ചയാൾ ഇനി സ്വതന്ത്രനായി സൂര്യനെ കാണില്ല. ഇനി മോൾ ജീവിക്കൂ. സ്കൂളിൽ പോകൂ. കൂട്ടുകാരെ ഉണ്ടാക്കൂ. ചിരിക്കൂ, കളിക്കൂ, സ്വപ്നം കാണൂ. നിന്റെ ധൈര്യം ഈ കോടതി എന്നും ഓർക്കും."