print edition അഗർത്തലയിൽ സിഐടിയുവിന്റെ ഉജ്വല റാലി

ന്യൂഡൽഹി : ഡിസംബർ 1, 2, 3 തീയതികളിൽ നടക്കുന്ന പാർലമെന്റ്‌ മാർച്ചിന് മുന്നോടിയായി ത്രിപുര തലസ്ഥാനമായ അഗർത്തലയിൽ ഉജ്വല റാലിയും പൊതുയോഗവും സംഘടിപ്പിച്ച്‌ സിഐടിയു. ആയിരക്കണക്കിനാളുകൾ പങ്കെടുത്ത റാലിയിൽ കേന്ദ്രസർക്കാരിന്റെ തൊഴിലാളിവിരുദ്ധ നയങ്ങൾക്കെതിരെ രോഷമുയർന്നു.

സിപിഐ എം മുതിർന്ന നേതാവും മുൻ മുഖ്യമന്ത്രിയുമായ മണിക്‌ സർക്കാർ, സിപിഐ എം പൊളിറ്റ്‌ ബ്യ‍ൂറോ അംഗവും പ്രതിപക്ഷ നേതാവുമായ ജിതേന്ദ്ര ച‍ൗധരി, സിഐടിയു അഖിലേന്ത്യാ ജനറൽ സെക്രട്ടറി എളമരം കരീം, പ്രസിഡന്റ്‌ സുദീപ്‌ ദത്ത തുടങ്ങിയവര്‍ പൊതുയോഗത്തിൽ സംസാരിച്ചു. ബിജെപി ഗുണ്ടകൾ ത്രിപുരയിലെ ജനാധിപത്യ അവകാശങ്ങൾക്ക്‌ നേരെ ആക്രമണം അഴിച്ചുവിടുകയാണെന്ന്‌ എളമരം കരീം പറഞ്ഞു.

സംഘപരിവാറിന്റെ ഭീഷണികൾക്ക്‌ മുന്നിൽ തലകുനിക്കാത്ത ത്രിപുരയിലെ തൊഴിലാളിവർഗത്തെ സിഐടിയു കേന്ദ്ര കമ്മിറ്റിക്ക് വേണ്ടി അഭിവാദ്യം ചെയ്യുന്നതായും അദ്ദേഹം പറഞ്ഞു.