വടക്ക് കിഴക്കിലെ ഏക ബിജെപി ദേശീയ വക്താവ് രാജിവച്ചു

കൊഹിമ: വടക്ക് കിഴക്കൻ സംസ്ഥാനങ്ങളിൽനിന്നുള്ള ബിജെപിയുടെ ഏക ദേശീയവക്താവ് ഹോൺലുമോ കികോൺ രാജിവച്ചു. മേഖലയിൽ ക്രിസ്‌ത്യൻ ന്യൂനപക്ഷത്തിനുനേരെയുണ്ടാകുന്ന അതിക്രമങ്ങളിൽ പ്രതിഷേധിച്ചാണ് രാജി.

മുൻമന്ത്രിയും നാ​ഗാ ​ഗോത്രവിഭാ​ഗം നേതാവുമായ കികോൺ പാര്‍ടിവിട്ടത് ബിജെപിക്ക് തിരിച്ചടിയായി. രണ്ടുതവണ എംഎൽഎയായിരുന്നു. മിസോറാമിന്റെ ബിജെപി സംഘടനാ ചുമതലയും വഹിച്ചിട്ടുണ്ട്. പൊതുജന ഇടപെടലിനും നയരൂപീകരണത്തിനും പുതിയ സാധ്യത തേടുന്നതിന്റെ ഭാ​ഗമായാണ് തീരുമാനമെന്ന് ബിജെപി ദേശീയ അധ്യക്ഷൻ ജെ പി നദ്ദയ്‌ക്ക്‌ അയച്ച രാജിക്കത്തിൽ പറയുന്നു.