റെജിന​ഗറിൽ പത്രിക പിൻവലിച്ച തൃണമൂൽ സ്ഥാനാർഥി വീണ്ടും മത്സരത്തിന്

കൊൽക്കത്ത : പശ്ചിമബം​ഗാളിൽ ഉപതെരഞ്ഞെടുപ്പിന് മുന്നോടിയായുള്ള രാഷ്ട്രീയ നാടകങ്ങൾ തുടരുകയാണ്. നാമനിർദേശ പത്രിക പിൻവലിച്ച് ഏകദേശം മൂന്ന് മണിക്കൂറിനുശേഷം വീണ്ടും മത്സരിക്കുമെന്ന് പ്രഖ്യാപിച്ച് റെജിന​ഗറിലെ തൃണമൂൽ സ്ഥാനാർഥി റബീയുൾ ആലം ചൗധരി. അതേസമയം നന്ദി​ഗ്രാമിൽ മമതയുടെ പിന്തുണയോടെ മത്സരിക്കുന്ന കോൺ​ഗ്രസ് സ്ഥാനാർഥിയെ പൊലീസ് അറസ്റ്റ് ചെയ്തത് പുതിയ രാഷ്ട്രീയ വിവാദങ്ങൾക്ക് തിരികൊളുത്തിയിരിക്കുകയാണ്.

പാർട്ടിയുടെ ഔദ്യോ​ഗിക ചിഹ്നവും പേരും സംബന്ധിച്ച നിയമപോരാട്ടങ്ങളും മമത വിഭാ​ഗം പ്രവർത്തകർക്ക് നേരെയുള്ള ഭീഷണിയുമാണ് പത്രിക പിൻവലിക്കാൻ കാരണമെന്ന് റബീയുൾ ആലം ചൗധരി പറഞ്ഞിരുന്നു. മമത ബാനർജിയുമായി സംസാരിച്ചതിന് ശേഷമായിരുന്നു പിന്മാറ്റം. എന്നാൽ പിന്നീട് തീരുമാനം മാറ്റുകയായിരുന്നു. ഇതിനിടെ നന്ദി​ഗ്രാമിലെ മമത വിഭാ​ഗം സ്ഥാനാർഥി സഞ്ചിത ഡേ പ്രധാൻ നാമനിർദേശ പത്രിക പിൻവലിച്ചിരുന്നു. ഒക്ടോബർ 6നാണ് നന്ദി​ഗ്രാം, റെജി​ന​ഗർ എന്നീ മണ്ഡലങ്ങളിൽ ഉപതെരഞ്ഞെടുപ്പ് നടക്കുന്നത്.