നടി കൃഷ്ണവേണി അന്തരിച്ചു

ഹൈദരാബാദ് : തെലു​ഗു നടിയും പ്രൊഡ്യൂസറുമായ കൃഷ്ണവേണി (102) അന്തരിച്ചു. ഹൈദരാബാദിലെ ഫിലിം ന​ഗറിലെ വസതിയിൽ ഞായറാഴ്ച രാവിലെയായിരുന്നു അന്ത്യം. നടിയായും നിർമാതാവായും തെലു​ഗു സിനിമാ മേഖലയിൽ തിളങ്ങിയ കൃഷ്ണവേണി തെലുങ്ക് സിനിമയുടെ പ്രതിശ്ചായ മാറ്റുന്നതിൽ പങ്കുവഹിച്ചു.

പ്രശസ്ത നടൻ എൻടിആറിനെ സിനിമാരം​ഗത്തേക്ക് കൊണ്ടുവന്നത് കൃഷ്ണവേണിയായിരുന്നു. 1949ൽ പുറത്തിറങ്ങിയ മന ദേശം എന്ന ചിത്രത്തിലൂടെയാണ് എൻടിആർ അഭിനയരം​ഗത്തേക്കെത്തുന്നത്. മനദേശം നിർമിച്ചത് കൃഷ്ണവേണിയാണ്. സം​ഗീത സംവിധായകൻ ​ഗണ്ടശാല വെങ്കിടേശ്വര റാവുവിന് സിനിമയിൽ ആദ്യമായി അവസരം നൽകിയതും കൃഷ്ണവേണിയാണ്.

വെസ്റ്റ്​ ​ഗോദാവരി ജില്ലയിലെ പം​ഗിഡിയിൽ ജനിച്ച കൃഷ്ണവേണി 1938ൽ പുറത്തിറങ്ങിയ കച ദേവയാനി എന്ന ചിത്രത്തിലൂടെയാണ് സിനിമ രം​ഗത്തെത്തിയത്. പിന്നണി ​ഗായികയായും ശ്രദ്ധിക്കപ്പെട്ടു. നാൽപ്പതോളം ചിത്രങ്ങളിലഭിനയിച്ച കൃഷ്ണവേണി പന്ത്രണ്ടോളം ചിത്രങ്ങൾ നിർമിച്ചു. സിനിമ- രാഷ്ട്രീയ രം​ഗത്തെ നിരവധി പേർ കൃഷ്ണവേണിയുടെ വിയോ​ഗത്തിൽ അനുശോചനം രേഖപ്പെടുത്തി.