മിസോറമിൽ 
112 കോടിയുടെ 
ലഹരി​ഗുളിക പിടികൂടി

ഐസ്വാള്‍: മിസോറമിൽ അസം റൈഫിള്‍സിന്റെ വന്‍ ലഹരിവേട്ട. 112.401 കോടി രൂപവരുന്ന മൂന്നുലക്ഷത്തിലേറെ മെത്താംഫെറ്റമിന്‍ ​ഗുളികകള്‍ പിടികൂടി. മ്യാന്മറുമായി അതിര്‍ത്തിപങ്കിടുന്ന ചംപായ് ജില്ലയിലെ പട്ടണമായ സൊഖാവ്‍തറിൽ വെള്ളിയാഴ്ചയാണ് സംഭവം. മയക്കുമരുന്ന് കടത്തിനെക്കുറിച്ച് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് അസം റൈഫിള്‍സ് പരിശോധന നടത്തിയത്. രണ്ടുപേര്‍ സേനാം​ഗങ്ങളെ കണ്ടതോടെ ബാ​ഗ് ഉപേക്ഷിച്ച് നദിയിലേക്ക് ചാടി മ്യാന്മറിലേക്ക് രക്ഷപ്പെട്ടു. ബാ​ഗിൽനിന്ന് 3,33,300 ഗുളികകളാണ് പിടികൂടിയത്.