തളർച്ച കൈവട്ട് ഓഹരി വിപണി, സൂചികകളിൽ മുന്നേറ്റം

കൊച്ചി: തളർച്ച കൈവിട്ട് ഓഹരി വിപണി സൂചികകൾ കുതിപ്പ് രേഖപ്പെടുത്തി. രണ്ടു ദിവസമായി നില മെച്ചപ്പെടുത്തി മുന്നേറുകയാണ്. 30 ഓഹരികളുള്ള ബിഎസ്ഇ സെൻസെക്സ് 313.38 പോയിന്റ് ഉയർന്ന് 85,922.89 ലെത്തി. 50 ഓഹരികളുള്ള എൻഎസ്ഇ നിഫ്റ്റി 90.25 പോയിന്റ് ഉയർന്ന് ഉയർന്ന നിരക്കായ 26,295.55 ലെത്തി.

2024 സെപ്റ്റംബർ 27 ന് സൂചിക 26,277 എന്ന റെക്കോർഡ് നിലയിലെത്തിയിരുന്നതാണ് അടുത്ത കാലത്തെ ഉയർന്ന നിലവാരം.

യുഎസ് ഫെഡ് നിരക്ക് കുറയ്ക്കുമെന്ന പ്രതീക്ഷ നിലനിൽക്കുന്നു. ഡിസംബർ ആദ്യവാരമാണ് അമേരിക്കൻ പണനയ യോഗം നടക്കാനിരിക്കുന്നത്. വിദേശ ഫണ്ടുകളുടെ വരവും വർദ്ധിച്ചുവരുന്നത് ആഗോളതലത്തിൽ അനുകൂലമായ പ്രവണതകൾ സമ്മാനിച്ചു. വ്യാഴാഴ്ചത്തെ ആദ്യ വ്യാപാരത്തിൽ തന്നെ ഓഹരി വിപണി മുൻ ദിവസത്തെ റാലി വർദ്ധിപ്പിച്ചു.

ബുധനാഴ്ച സെൻസെക്സ് 1,022.50 പോയിന്റ് അഥവാ 1.21 ശതമാനം ഉയർന്ന് 85,609.51 ൽ ക്ലോസ് ചെയ്തു. നിഫ്റ്റി 320.50 പോയിന്റ് അഥവാ 1.24 ശതമാനം ഉയർന്ന് 26,205.30 ൽ അവസാനിച്ചു.

ഇപ്പോഴത്തെ പ്രവണതയിൽ സെൻസെക്സ് സ്ഥാപനങ്ങളിൽ നിന്ന്, ബജാജ് ഫിനാൻസ്, ബജാജ് ഫിൻസെർവ്, ഐസിഐസിഐ ബാങ്ക്, ലാർസൺ & ട്യൂബ്രോ, ഏഷ്യൻ പെയിന്റ്സ്, മഹീന്ദ്ര & മഹീന്ദ്ര എന്നിവ ഏറ്റവും കൂടുതൽ നേട്ടമുണ്ടാക്കിയവയിൽ ഉൾപ്പെടുന്നു.

എറ്റേണൽ, കൊട്ടക് മഹീന്ദ്ര ബാങ്ക്, അൾട്രാടെക് സിമന്റ്, മാരുതി എന്നിവ പിന്നിലാണ്.

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാന്റെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് സൂചിക എന്നിവ പോസിറ്റീവ് ടെറിട്ടറിയിലാണ് വ്യാപാരം നടത്തുന്നത്. യുഎസ് വിപണികൾ ബുധനാഴ്ച നേട്ടത്തോടെയാണ് വ്യാപാരം അവസാനിച്ചത്.

ഫെഡ് നിരക്ക് കുറയ്ക്കുമെന്ന പ്രതീക്ഷയ്ക്കൊപ്പം റഷ്യ-ഉക്രെയ്ൻ സമാധാന കരാറിന്റെ സാധ്യതയും ആഗോളതലത്തിൽ ഓഹരി വിപണികളുടെ വികാരം മെച്ചപ്പെടുത്തി

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 0.48 ശതമാനം ഇടിഞ്ഞ് ബാരലിന് 62.83 യുഎസ് ഡോളറിലെത്തി.

വ്യാഴാഴ്ച ഏഷ്യൻ വിപണികൾ പൊതുവെ ഉയർന്ന നിലയിൽ വ്യാപാരം ആരംഭിച്ചു.