ഡൽഹിയിൽ ശക്തമായ മഴ; വിമാന സർവീസുകൾ തടസ്സപ്പെട്ടു

ന്യൂഡൽഹി : ന്യൂഡൽഹിയിൽ പൊടിക്കാറ്റിന് പിന്നാലെ ശക്തമായ മഴ. കനത്ത മഴ കാരണം വിമാന സർവീസുകൾ തസ്സപ്പെട്ടു. ഡൽഹിയിൽ അടുത്ത മണിക്കൂറുകളിൽ 70-80 കിലോമീറ്റർ വേഗതയിൽ കാറ്റിനും അതിശക്തമായ മഴയ്ക്കും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകി. വീട്ടിൽ നിന്ന് പുറത്തിറങ്ങരുതെന്നും ജനങ്ങൾ ജാ​ഗരൂപരാകണമെന്നും ഡൽഹി സർക്കാർ നിർദേശം നൽകി.

ഡൽഹിയിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. ഹരിയാന, രാജസ്ഥാൻ, ഹിമാചൽ പ്രദേശ് എന്നിവിടങ്ങളിലെ ചില ഭാഗങ്ങളിലും ഒറ്റപ്പെട്ട മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.