പത്തനംതിട്ടയില്‍ യൂത്ത് കോൺ​ഗ്രസ് സംസ്ഥാന സെക്രട്ടറി ബിജെപിയിൽ ചേർന്നു

പത്തനംതിട്ട: യൂത്ത് കോൺ​ഗ്രസ് സംസ്ഥാന സെക്രട്ടറി അഖിൽ ഓമനക്കുട്ടൻ ബിജെപിയിൽ ചേർന്നു. പത്തനംതിട്ട ജില്ലാ ജനറൽ സെക്രട്ടറിയുമാണ് അഖിൽ. തെരഞ്ഞെടുപ്പിൽ കോൺ​ഗ്രസ് അവ​ഗണിച്ചു എന്ന് ആരോപിച്ചാണ് അഖിൽ പാർടിവിട്ടത്. പത്തനംതിട്ടയിലെ കോൺ​ഗ്രസിന്റെ പ്രമുഖ നേതാവായിരുന്നു അഖിൽ.

കഴിഞ്ഞ ദിവസങ്ങളിലും നിരവധി കോൺ​ഗ്രസ് നേതാക്കൾ രാജിവെച്ചിരുന്നു. തമ്മിലടിയെ തുടർന്ന് ജില്ലാ പഞ്ചായത്തിലേക്കടക്കം ഒരു തദ്ദേശസ്ഥാപനത്തിലെയും സ്ഥാനാർഥികളെ പ്രഖ്യാപിക്കാൻ യുഡിഎഫിനായിട്ടില്ല. പ്രശ്നപരിഹാരത്തിനായി ചൊവ്വാഴ്ച ചേർന്ന കോൺ​ഗ്രസ് കോർകമ്മിറ്റിയോ​ഗവും അലസിപ്പിരിഞ്ഞിരുന്നു.