കായികമേളയിലെ ഭക്ഷണത്തിൽ പുഴു: കായികാധ്യാപകൻ ജിജോ ജെയിംസിന് ജാമ്യം

കോഴിക്കോട് : സംസ്ഥാന സ്കൂൾ കായികമേളയിലെ ഭക്ഷണത്തിൽ പുഴുവിനെ കണ്ട സംഭവത്തിൽ അറസ്റ്റിലായ കായികാധ്യാപകൻ ജിജോ ജെയിംസിന് ജാമ്യം. കുന്നമം​ഗലം മജിസ്ട്രേറ്റ് കോടതിയാണ് ജിജോയ്ക്ക് ഉപാധികളോടെ ജാമ്യം അനുവദിച്ചത്. സംഭവത്തിൽ അറസ്റ്റിലായ അധ്യാപകന് സസ്പെൻഷനും നൽകിയിരുന്നു.

തദ്ദേശ തെരഞ്ഞെടുപ്പിൽ കോൺ​ഗ്രസ് സ്ഥാനാർഥിയായ മത്സരിച്ചയാളാണ് ജിജോ ജെയിംസ്. കഴിഞ്ഞ മാസം 29 നാണ് ജിജോ ജെയിംസിനെ പൊലീസ് അറസ്റ്റ് ചെയ്തത്. കായിക മേളയ്ക്കിടെ കലാപം ഉണ്ടാക്കാൻ ശ്രമിച്ചെന്നും സാമ്പാറിൽ പുഴു ഉണ്ടെന്ന് വ്യാജേന പ്രദർശിപ്പിച്ചെന്നും എഫ്ഐആർ. കലാപശ്രമത്തിനുള്ള വകുപ്പാണ് ജിജോയ്ക്കെതിരെ ചുമത്തിയത്.