കരിങ്കൽ ക്വാറിയിൽ ഖനനത്തിനിടെ അപകടം; തൊഴിലാളിക്ക് ​ഗുരുതര പരിക്ക്

പാലക്കാട് : പാലക്കാട് അനങ്ങനടിയിൽ കരിങ്കൽ ക്വാറിയിൽ ഖനനത്തിനിടെ അപകടം. ഇതരസംസ്ഥാന തൊഴിലാളിയുടെ കൈ അറ്റുപോയെന്നാണ് വിവരം. ബം​ഗാൾ സ്വദേശി പ്രമോദിനാണ് പരിക്കേറ്റത്. രാവിലെ 10.30ഓടെയാണ് അപകടം.

ക്വാറിയിലെ പാറ പൊട്ടിക്കുന്നതിനായി സ്ഫോടകവസ്തുവിന് തീ കൊടുത്ത ശേഷം ഓടിമാറുന്നതിനിടെയാണ് അപകടം. സ്ഫോടനത്തിൽ തൊഴിലാളിയുടെ ഇടതുകൈ അറ്റുപോയി. നിലവിൽ വാണിയംകുളത്തെ സ്വകാര്യ ആശുപത്രിയിൽ ചികിത്സയിലാണ്. വിദ​ഗ്ധ ചികിത്സയ്ക്കായി എറണാകുളത്തേക്ക് മാറ്റും. ക്വാറി പ്രവർത്തിക്കുന്നത് അനധികൃതമായാണെന്ന് നാട്ടുകാർ പറയുന്നു.