print edition നെൽക്കർഷകർക്ക് 28 പൈസയുടെ "ആശ്വാസം!'

കോട്ടയം : നെല്ലിന്റെ താങ്ങുവില കിലോയ്ക്ക് 35 രൂപയാക്കുമെന്ന പ്രഖ്യാപനം നടപ്പാക്കാതെ യുഡിഎഫ് സർക്കാർ. നെല്ലിന്റെ താങ്ങുവില 35 രൂപയാക്കുമെന്നായിരുന്നു യുഡിഎഫ് പ്രകടനപത്രികയിലെ വാഗ്ദാനം. കൂട്ടിയത് 28 പൈസ മാത്രം. കേന്ദ്രവിഹിതം 24.1 രൂപയും സംസ്ഥാന പ്രോത്സാഹന ബോണസ് 6.31 രൂപയും അടക്കം 30.72 രൂപയാണ് ഒരുകിലോ നെല്ലിന് കർഷകന് ലഭിച്ചിരുന്നത്. ഇപ്പോൾ വർധിപ്പിച്ച 28 പൈസ കൂടി ലഭിക്കുമ്പോഴും 31 രൂപയേ ആകൂ. സംഭരണവില 32 രൂപ എങ്കിലും ആക്കണമെന്ന സപ്ലൈകോ ആവശ്യവും തള്ളി. നിലവിൽ നിശ്ചയിച്ച തുകയ്ക്ക് നെല്ല് സംഭരണത്തിന് നൽകുന്നത് കനത്ത നഷ്ടമാണെന്ന് നെൽകർഷകർ. നേരത്തെ കർഷകർക്ക് നൽകിവന്നിരുന്ന ഏക്കറിന് 400 രൂപ ബോണസ്, വളം സബ്സിഡി എന്നിവയും നിലവിൽ ലഭിക്കുന്നില്ല.








0 comments