'സേ നോ ടു ഡ്രഗ്‌സ്‌, ബീ എ ഹീറോ'; ശിശുദിന ആശംസകളുമായി മോഹൻലാൽ

കൊച്ചി: ശിശുദിനത്തിൽ ലഹരിക്കെതിരായ പോരാട്ടം ശക്തമായി തുടരണമെന്ന് ആഹ്വാനം ചെയ്ത് നടൻ മോഹൻലാൽ. ശിശുദിന ആശംസകൾ നൽകി സാമൂഹിക മാധ്യമത്തിൽ പങ്കുവച്ച വീഡിയോയിലാണ് നടന്റെ സന്ദേശം. എന്നെ അറിയാവുന്നവരോട് ഞാൻ പണ്ടേ പറഞ്ഞിട്ടുണ്ട് ‘നർക്കോട്ടിക്‌ ഈസ്‌ എ ഡർട്ടി ബിസിനനസ്‌’ എന്ന റീൽ ഡയലോ​ഗിനൊപ്പം 'ബീ എ ഹീറോ, സെ നോടു ടു ഡ്രഗ്‌സ്‌' എന്ന റിയൽ ഡലോ​ഗ് പറഞ്ഞാണ് വീഡിയോ അവസാനിക്കുന്നത്. ഭാവിയെ വാർത്തെടുക്കുന്ന ബാല്യത്തിൽ നിന്നുതന്നെ നല്ല ശീലങ്ങൾ തുടങ്ങാം.

വിശ്വശാന്തി ഫൗണ്ടേഷൻ യോഗദിനത്തിൽ ആരംഭിച്ച ലഹരിവിരുദ്ധ ക്യാമ്പയിൻ ആണ് 'ബീ എ ഹീറോ, സെ നോടു ടു ഡ്രഗ്‌സ്‌'. നർക്കോട്ടിക്‌ കൺട്രോൺ ബ്യൂറോയുമായി ചേർന്നാണ്‌ മോഹൻലാലിന്റെ വിശ്വശാന്തി ഫൗണ്ടേഷൻ ക്യാമ്പയിൻ ആരംഭിച്ചത്‌. ക്യാമ്പയിൻ മോഹൻലാൽ ആണ് ഉദ്‌ഘാടനം ചെയ്തത്. ലഹരിക്കെതിരായ പോരാട്ടത്തിൽ ഒരോരുത്തരും സൂപ്പർഹീറോ ആകണമെന്ന്‌ മോഹൻലാൽ അന്ന് വ്യക്തമാക്കിയിരുന്നു. ദൃശ്യം 3 എന്ന ജിത്തു ജോസഫ്- മോഹൻലാൽ ചിത്രത്തിന്റെ ഷൂട്ടിങ് ലൊക്കേഷനിൽ നിന്നുള്ള വീഡിയോയ്ക്കൊപ്പമാണ് ശിശുദിനത്തിൽ മോഹൻലാൽ സന്ദേശം പങ്കുവച്ചത്.

നാടിന്റ രക്ഷകരാകുന്ന ഹീറോകളായി മയക്കുമരുന്നത്‌ ഉപയോഗവും, വ്യാപനവും തടയാൻ നിലകൊള്ളണം. ലഹരിയുടെ തീക്കനൽ വീണ് വരണ്ടുപോകാൻ ഒരുജീവതത്തെയും അനുവദിക്കരുത്. ആരോ​ഗ്യമുള്ള ശരീരത്തെയും മനസിനെയും നശിപ്പിക്കുന്നതാണ് ലഹരിയുടെ ഉപയോ​ഗം. ലഹരി ഉപയോ​ഗിക്കാൻ ആരെയും അനുവദിക്കരുത്. ‘‘നർക്കോട്ടിക്‌ ഈസ്‌ എ ഡർട്ടി ബിസിനനസ്‌’’- എന്നായിരുന്നു മോഹൻലാലിന്റെ വാക്കുകൾ.