Deshabhimani

യു ഷറഫലിക്ക് പ്രതിഫലമായി രണ്ട് കോടി നൽകിയെന്ന വാർത്ത വ്യാജം: ആന്റോ അ​ഗസ്റ്റിൻ

U Sharaf Ali Anto Augustine

യു ഷറഫലി, ആന്റോ അ​ഗസ്റ്റിൻ

വെബ് ഡെസ്ക്

Published on Nov 22, 2026, 09:19 PM | 1 min read

തിരുവനന്തപുരം: അർജന്റീന ഫുട്‌ബോൾ ടീമിന്റെ കേരള സന്ദർശനം നടപ്പാക്കാൻ സ്വീകരിച്ച നടപടിയുടെ പ്രതിഫലമായി സ്പോർട്സ് കൗൺസിൽ മുൻ പ്രസിഡന്റ് യു ഷറഫലിക്ക് രണ്ട് കോടി നൽകിയെന്ന വാർത്തകൾ വ്യാജമെന്ന് റിപ്പോർട്ടർ ടിവി എംഡി ആന്റോ അ​ഗസ്റ്റിൻ അറിയിച്ചു. അർജന്റീന ഫുട്ബോൾ അസോസിയേഷനും റിപ്പോർട്ടർ ബ്രോഡ്കാസ്റ്റിംഗ് കമ്പനിയും തമ്മിലുള്ള കരാറിൽ ഷറഫലി സാക്ഷിയായി ഒപ്പിട്ടിട്ടുണ്ട്. എന്നാൽ ആ ഒപ്പിന് പ്രതിഫലമായി ഷറഫലിയുടെ നോവസ് സോക്കർ അക്കാദമിക്ക് രണ്ട് കോടി രൂപ നൽകിയെന്നാണ് ചില മാധ്യമങ്ങൾ വാർത്ത നൽകിയത്. നോവസ് സോക്കർ അക്കാദമി തന്റെ കൂടി കമ്പനിയാണെന്നും, ആ കമ്പനിയിൽ ഏറ്റവും കൂടുതൽ ഓഹരി പങ്കാളിത്തമുള്ളത് തന്റെ കമ്പനിക്കാണെന്നും ആന്റോ അ​ഗസ്റ്റിൻ ഫേസ്ബുക്ക് കുറിപ്പിൽ പറഞ്ഞു.


നോവസ് സോക്കർ അക്കാദമി സ്ഥാപിച്ചത് ഷറഫലിയാണ്. കേരളത്തിലെ പ്രമുഖ കായികതാരങ്ങൾ അഡ്വൈസറി ബോർഡിലുള്ള ഒരു കായിക സംരംഭമാണത്. കേരളത്തിലെ കായികരംഗത്തിന്റെ വളർച്ചയ്ക്കും പുതിയ പ്രതിഭകളെ കണ്ടെത്തുന്നതിനും സഹായിക്കുന്ന ഈ സംരംഭത്തിന്റെ ഭൂരിപക്ഷ ഓഹരികൾ ഏറ്റെടുക്കാൻ താൻ തീരുമാനിക്കുകയായിരുന്നു. അതിന്റെ ഭാഗമായാണ് രണ്ട് കോടി രൂപ നിക്ഷേപിച്ചത്. ആ പണം കമ്പനിയുടെ ആവശ്യങ്ങൾക്കായി വിനിയോഗിച്ചു.


കമ്പനിയുടെ ഓഹരി ഉടമകൾ ആരാണെന്ന് മാധ്യമങ്ങൾക്ക് അന്വേഷിക്കാമായിരുന്നു. ഒരു ബിസിനസ് നിക്ഷേപത്തെ ദുരൂഹ ഇടപാടാക്കി ചിത്രീകരിച്ച് പൊതുസമൂഹത്തെ തെറ്റിദ്ധരിപ്പിക്കരുത്. അന്വേഷണത്തിന്റെ പേരിൽ കെട്ടുകഥകൾ വാർത്തയാക്കരുത്. വ്യാജവാർത്തകൾക്കെതിരെ നിയമനടപടി സ്വീകരിക്കുമെന്നും ആന്റോ അ​ഗസ്റ്റിൻ അറിയിച്ചു.



deshabhimani section

Related News

View More
0 comments
Sort by

Deshabhimani
Home