ചരിത്രം സൃഷ്ടിച്ച് പിഎസ്‍സി: ഡിവൈഎസ്പി തസ്തികയിലേക്ക് പ്രത്യേക നിയമനം

തിരുവനന്തപുരം: കേരള പൊലീസിൽ ഡിവൈഎസ്പി (ഡെപ്യൂട്ടി സൂപ്രണ്ട് ഓഫ് പൊലീസ്) തസ്തികയിലേക്ക് ആദ്യമായി പിഎസ്‍സി വഴി നേരിട്ട് നിയമനം. പട്ടികജാതി/പട്ടികവർഗം വിഭാ​ഗങ്ങൾക്കായി സ്പെഷ്യൽ റിക്രൂട്ട്മെന്റായാണ് നിയമനം. ഇതിനുള്ള വിജ്ഞാപനം ആ​ഗസ്ത് ആറിന് പിഎസ്‍സി പുറപ്പെടുവിപ്പിക്കും. നേരിട്ട് നിയമനത്തിന് സർക്കാർ നേരത്തെ പിഎസ്‍സിക്ക് നിർദ്ദേശം നൽകിയിരുന്നു. ഇതിനുള്ള യോ​ഗ്യതയും നിർദ്ദേശിച്ച് നൽകിയിരുന്നു. ഇത് പ്രകാരമായിരിക്കും വിജ്ഞാപനം.

അംഗീകൃത സർവകലാശാല ബിരുദമാണ് യോഗ്യത. എഴുത്തു പരീക്ഷ, ശാരീരിക ക്ഷമതാ പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞുടുപ്പ്. തസ്തികയിലേക്ക് അപേക്ഷ സമർപ്പിക്കേണ്ട അവസാന തീയതി സെപ്തംബർ 10 ആയിരിക്കും.