വാതിൽപ്പടിയിലും തിങ്ങിനിറഞ്ഞ് ആളുകള്‍; പ്രിയദർശിനി ബസിൽ യാത്രക്കാരെ കുത്തിനിറച്ച് അപകടയാത്ര

കാസർകോട്: കെഎസ്ആർടിസി പ്രിയദർശിനി ബസിൽ അനിയന്ത്രിതമായ തിരക്കിനെ തുടർന്ന് കുത്തിനിറച്ച് അപകടയാത്ര. കാസർകോട് – മംഗളൂരു റൂട്ടിലാണ് യാത്രക്കാരെ കുത്തിനിറച്ച് യാത്ര ചെയ്തത്. യാത്രയിൽ വാതിൽപ്പടിയിൽവരെ യാത്രക്കാർ തിങ്ങിനിറഞ്ഞു നിൽക്കുകയായിരുന്നു.

ഈ റൂട്ടിൽ കൂടുതൽ ബസുകൾ അനുവദിക്കണമെന്ന ആവശ്യം നേരത്തെ യാത്രക്കാർ ഉയർന്നിരുന്നു. ഈ റൂട്ടിൽ പരിമിതമായ സർവീസ് മാത്രമാണ് നിലവിൽ ഉള്ളത്. എന്നാൽ യാത്രക്കാരുടെ എണ്ണം കൂടുന്നതനുസരിച്ച് സർവീസ് കൂട്ടാൻ അധികൃതർ തയ്യാറായില്ല.

മംഗലാപുരത്തേക്ക് ആശുപത്രിയിലും മറ്റ് വിദ്യഭ്യാസ ആവശ്യങ്ങൾക്കുമായി ദിവസേന നിരവധിയാളുകളാണ് കാസർഗോഡ് നിന്നും കെഎസ്ആർടിസി പ്രിയദർശിനിയെ ആശ്രയിക്കുന്നത്.