വിലക്കയറ്റം പിടിച്ചുനിർത്തും ; 1800 സഹകരണ ഓണച്ചന്തകൾ

തിരുവനന്തപുരം

കുതിച്ചുയർന്ന വിലക്കയറ്റം പിടിച്ചുനിർത്തി ഓണം സമൃദ്ധമായി ആഘോഷിക്കാൻ സംസ്ഥാന സർക്കാർ 1800 സഹകരണ ഓണച്ചന്ത തുടങ്ങും. സഹകരണ വകുപ്പ് സഹകരണ സംഘങ്ങൾ വഴിയും കൺസ്യൂമർഫെഡ് ത്രിവേണിസ്റ്റോർ വഴിയുമാണ്‌ ഓണച്ചന്ത തുടങ്ങുന്നത്‌. 13 ഇനം നിത്യോപയോഗ സാധനം സബ്‌സിഡി നിരക്കിൽ വിതരണം ചെയ്യും.

സബ്‌സിഡി സാധനങ്ങൾക്ക് പുറമെ മറ്റു സാധനങ്ങളും 40 ശതമാനംവരെ വിലക്കുറവിൽ നൽകും. സഹകരണ വിപണിയുടെ സംസ്ഥാന ഉദ്ഘാടനം 26ന് മുഖ്യമന്ത്രി പിണറായി വിജയൻ തിരുവനന്തപുരത്ത് നിർവഹിക്കും. സെപ്തംബർ നാലുവരെ ചന്തകൾ പ്രവർത്തിക്കും.