അഞ്ച് കുട്ടികള്ക്ക് മുണ്ടിനീര്: ആലപ്പുഴ പെരുമ്പളം സ്കൂളിന് 21 ദിവസം അവധി
ആലപ്പുഴ > ചേര്ത്തല താലൂക്കിലെ പെരുമ്പളം എല് പി സ്കൂളിലെ അഞ്ചു കുട്ടികള്ക്ക് മുണ്ടിനീര് ബാധിച്ചിട്ടുള്ളതിനാല് സ്കൂളിന് ജനുവരി 9 മുതല് 21 ദിവസത്തേക്ക് ജില്ലാ കളക്ടര് അവധി പ്രഖ്യാപിച്ചു . മുണ്ടിനീരിന്റെ ഇന്ക്യുബേഷന് പിരീഡ് 21 ദിവസം വരെ ആയതിനാല് കൂടുതല് വിദ്യാര്ഥികള്ക്ക് രോഗം പടര്ന്നു പിടിക്കുന്നത് ഒഴിവാക്കുന്നതിനായി സ്കൂളിന് 21 ദിവസത്തേയ്ക്ക് അവധി നല്കണമെന്ന് ജില്ലാ മെഡിക്കല് ഓഫീസര് അഭ്യര്ത്ഥിച്ചിരുന്നു.
ഇത് പ്രകാരമാണ് അവധി നല്കാന് ജില്ലാ വിദ്യാഭ്യാസ ഉപഡയറക്ടറെ ചുമതലപ്പെടുത്തി കളക്ടര് ഉത്തരവിട്ടത്. വിദ്യാലയങ്ങളില് മുണ്ടിനീര് പടര്ന്നു പിടിക്കാതിരിക്കുന്നതിനുള്ള മുന്കരുതല് നടപടികള് ആരോഗ്യ തദ്ദേശ സ്വയംഭരണ വകുപ്പുകളുമായി ചേര്ന്ന് നടത്തണമെന്നും ഉത്തരവില് നിര്ദ്ദേശിച്ചു.
Tags
0 comments