കോളേജ് ഓണാഘോഷത്തിന് എംഡിഎംഎയും; കൊണ്ടോട്ടിയില്‍ വിദ്യാര്‍ഥികളുടെ വാഹനത്തില്‍ നിന്ന് ലഹരി പിടികൂടി

കൊണ്ടോട്ടി: മലപ്പുറം കൊണ്ടോട്ടിയിൽ കോളേജിലെ ഓണാഘോഷത്തിനിടെ വിദ്യാർഥികളിൽനിന്ന് ലഹരി പിടികൂടി. വിദ്യാർഥികൾ എത്തിയ കാറിൽനിന്ന് ഒരു ​ഗ്രാം എംഡിഎംഎ പിടിച്ചെടുത്തു. എക്സൈസിന്റെ വാഹനം കണ്ടപ്പോൾ‌ വി​ദ്യാർഥികൾ ഇറങ്ങിയോടി.

കോളേജിന്റെ പുറത്താണ് കാർ നിർത്തിയിട്ടിരുന്നത്. എക്സൈസിന്റെ വാഹനം കണ്ടയുടനെ കാറിൽനിന്നും വിദ്യാർഥികൾ ഇറങ്ങിയോടി. കണ്ടാലറിയാവുന്ന മൂന്ന് വിദ്യാർഥികൾക്കെതിരെ കേസെടുത്തിട്ടുണ്ട്. നിലവിൽ ഇവരെ പിടികൂടിയിട്ടില്ല.