Deshabhimani

മട്ടാഞ്ചേരിയിൽ മധ്യവയസ്‌കന്റെ അപകട ഡ്രൈവിങ്; 7 വാഹനങ്ങൾ ഇടിച്ചുതകർത്തു

Mattanjery accident
വെബ് ഡെസ്ക്

Published on Nov 21, 2026, 06:25 AM | 1 min read

മട്ടാഞ്ചേരി : മട്ടാഞ്ചേരിയിൽ ഭീതിപടർത്തി മധ്യവയസ്‌കന്റെ അപകടകരമായ ഡ്രൈവിങ്‌. ഏലൂർ സ്വദേശി ജോസഫ്‌ ഡാൽട്ടൺ (53) അലക്ഷ്യമായി ഓടിച്ച കാർ ഏഴ്‌ വാഹനങ്ങളെ ഇടിച്ചുതെറിപ്പിച്ചു. വെള്ളി രാത്രി 10ഓടെ നടന്ന സംഭവത്തിൽ രണ്ടുപേർക്ക് പരിക്കേറ്റു. ജോസഫ്‌ ഡാൽട്ടണെ കസ്‌റ്റഡിയിലെടുത്ത മട്ടാഞ്ചേരി പൊലീസ്‌ ചോദ്യം ചെയ്‌തുവരികയാണ്‌. അലക്ഷ്യമായും അശ്രദ്ധമായും വാഹനമോടിച്ചതിന്‌ ഇയാൾക്കെതിരെ കേസെടുത്തു.


നിയന്ത്രണംവിട്ട കാർ ഇരുചക്രവാഹനത്തിൽ ഇടിച്ച്‌ മീറ്ററുകളോളം വലിച്ചിഴച്ചു. പിന്നീട്‌ ചുള്ളിക്കൽ ഭാഗത്ത് മറ്റൊരു ബൈക്കിൽ ഇടിച്ചശേഷം ഒന്നരക്കിലോമീറ്ററോളം വലിച്ചിഴച്ചു. കപ്പലണ്ടിമുക്കിൽ ഒരു സ്ത്രീയെ ഇടിച്ചിട്ടു. ഇവിടെനിന്ന് കൂനൻകുരിശ് പള്ളി എത്തുന്നതുവരെ ആറു വാഹനങ്ങളാണ് ഇടിച്ചുതകർത്തത്.


വഴിയരികിൽ നിർത്തിയിട്ട വാഹനങ്ങളടക്കം ഇടിച്ചുതെറിപ്പിച്ചു. റോഡരികിൽനിന്ന പലരും രക്ഷപ്പെട്ടത് തലനാരിഴയ്ക്കാണ്. മട്ടാഞ്ചേരി ബസാർ റോഡിൽ കൂനൻകുരിശ് പള്ളിക്ക് സമീപത്തുനിന്ന്‌ നാട്ടുകാർ ഇയാളെ പിടികൂടി. ജോസഫ്‌ ഡാൽട്ടൺ സഞ്ചരിച്ച കിയ കാറിന്റെ ചില്ലുകൾ നാട്ടുകാർ തകർത്തു.



deshabhimani section

Related News

View More
0 comments
Sort by

Deshabhimani
Home