മഞ്ചേരിയിൽ കണ്ടയ്നർ ലോറിയിടിച്ച് റേഷൻ കട വ്യാപാരി മരിച്ചു

മഞ്ചേരി: ഇരുമ്പുഴിയിൽ‌ കണ്ടയ്നർ ലോറിയിടിച്ച് റേഷൻ കട വ്യാപാരി മരിച്ചു. മുണ്ടുപറമ്പു സ്വ​ദേശി അഹമ്മദ് കുട്ടി (65) ആണ് മരിച്ചത്. രാവിലെ ഏഴുമണിയോടെ മഞ്ചേരിയിൽ നിന്നും സ്കൂട്ടറിൽ മലപ്പുറത്തേക്ക് പോകുന്നതിനിടെ, മറുവശത്ത് നിന്നും വന്ന കണ്ടെയ്നർ ലോറി ഇടിക്കുകയായിരുന്നു. ഇടിച്ചശേഷം ആശുപത്രിയിലേക്ക് കൊണ്ടു പോകും വഴിയാണ് മരിച്ചത്. മൃതദേഹം മഞ്ചേരി പൊലീസ് ഇൻക്വസ്റ്റ് നടത്തുകയാണ്.