മണ്ണിടിച്ചിൽ സാധ്യത; കുതിരാനിൽ ​ഗതാ​ഗത നിയന്ത്രണം

തൃശൂർ : മണ്ണിടിച്ചിൽ ഭീഷണിയെത്തുടർന്ന് തൃശൂർ കുതിരാൻ തുരങ്കത്തിൽ താൽക്കാലിക ​ഗതാ​ഗത നിയന്ത്രണം. പടിഞ്ഞാറേ തുരങ്കമുഖത്ത് പാലക്കാട് ഭാ​ഗത്തേക്കുള്ള പാതയിലാണ് നിയന്ത്രണം ഏർപ്പെടുത്തിയത്.

ജിയോളജി വകുപ്പ് പരിശോധിച്ച് റിപ്പോർട്ട് നടത്തി. റിപ്പോർട്ട് പ്രകാരം തൃശൂർ നിന്ന് പാലക്കാടേക്ക് പോകുന്ന പടിഞ്ഞാറേ തുരങ്കമുഖത്ത് ഇടതുഭാ​ഗത്ത് പഴയ കുതിരാൻ റോഡിന് സമീപം മണ്ണിടിച്ചിൽ സാധ്യതയുണ്ടെന്നാണ് റിപ്പോർട്ട്.

മണ്ണും കല്ലും ഇടിഞ്ഞ് റോഡിലേക്ക് വീഴാൻ സാധ്യതയുണ്ടെന്നാണ് റിപ്പോർട്ട്. ഇത് ബലപ്പെടുത്തണമെന്നും റിപ്പോർട്ടുണ്ട്. പ്രദേശത്ത് മഴ ശക്തമായതോടെയാണ് പ്രദേശത്ത് നിയന്ത്രണം ഏർപ്പെടുത്തിയത്. രണ്ട് വരിയായാണ് ​ഗതാ​ഗതം.