കൈറ്റ് ‘എന്റെ സ്കൂള്‍, എന്റെ അഭിമാനം’ റീൽസ് മത്സരം: ഒന്നാം സമ്മാനം തിരുവനന്തപുരം ജിവിഎച്ച്എസ്എസ് കരകുളത്തിന്

kite victers
വെബ് ഡെസ്ക്

Published on Nov 09, 2025, 11:19 AM | 1 min read

തിരുവനന്തപുരം: സംസ്ഥാനത്തെ പൊതുവിദ്യാലയങ്ങള്‍ക്കായി കേരള ഇന്‍ഫ്രാസ്ട്രക്ചര്‍ ആന്റ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) സംഘടിപ്പിച്ച ‘എന്റെ സ്കൂള്‍ എന്റെ അഭിമാനം’ റീല്‍സ് മത്സരത്തില്‍ തിരുവനന്തപുരം ജില്ലയിലെ ജിവിഎച്ച്എസ്എസ് കരകുളം ഒന്നാം സമ്മാനം നേടി. ‘ലിറ്റില്‍ കൈറ്റ്സ്’ യൂണിറ്റുകള്‍ വഴി നടത്തിയ റീല്‍സ് മത്സരത്തില്‍ വിജയികളായ 100 സ്കൂളുകളെ പ്രഖ്യാപിച്ചു. 1555 സ്കൂളുകളില്‍ നിന്നാണ് ഒന്നര മിനിറ്റില്‍ താഴെ ദൈര്‍ഘ്യമുള്ള മികച്ച നൂറു റീലുകള്‍ തെരഞ്ഞെടുത്തത്.


മലപ്പുറം ജില്ലയിലെ പൊന്നാനി അച്യുതവാര്യര്‍ എച്ച്എസ്എസ്, എറണാകുളത്തെ എസ്എന്‍ഡിപി എച്ച്എസ്എസ് ഉദയംപേരൂര്‍ എന്നീ സ്കൂളുകളാണ് രണ്ടാം സ്ഥാനത്തിന് അർഹരായത്. ഇടയൂര്‍ എഎംഎല്‍പിഎസ് (മലപ്പുറം) , പഴങ്ങാലം ആർഎസ്എംഎച്ച്എസ് (കൊല്ലം), എന്നീ സ്‌കൂളുകൾ മൂന്നാം സ്ഥാനം പങ്കിട്ടു. കൊച്ചു കൊട്ടാരം എല്‍പി സ്കൂള്‍ ഞാണ്ടുപാറ (കോട്ടയം), ജിഎച്ച്എസ് വടശ്ശേരി (മലപ്പുറം), എംകെഎച്ച്എംഎംഒ വിഎച്ച്എസ്എസ് മുക്കം (കോഴിക്കോട്), ജിജിവിഎച്ച്എസ്എസ് ഫറോക്ക് (കോഴിക്കോട്), തുടങ്ങിയ സ്കൂളുകള്‍ ജൂറിയുടെ പ്രത്യേക പരാമര്‍ശത്തിന് അര്‍ഹരായി. മുഴുവന്‍ സ്കൂളുകളുടേയും പട്ടികയും വിശദാംശങ്ങളും www.kite.kerala.gov.in ല്‍ ലഭ്യമാണ്.





deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home