print edition ടൂറിസ്റ്റ് ബസിന്‌ കളർ കോഡ്: പുനഃപരിശോധിക്കാൻ ഉത്തരവ്‌

തിരുവനന്തപുരം​ : സംസ്ഥാനത്തെ ടൂറിസ്റ്റ് ബസുകൾക്ക് ഏർപ്പെടുത്തിയ ഏകീകൃത കളർ കോഡ് പുനഃപരിശോധിക്കാൻ ഗതാഗത അതോറിറ്റിക്ക് സർക്കാർ നിർദേശം നൽകി. സിനിമാ താരങ്ങളുടെ വലിയ ചിത്രങ്ങളും എഴുത്തുകളും ബസിൽ പാടില്ലെന്ന ഹൈക്കോടതി ഉത്തരവിന്റെ പശ്ചാത്തലത്തിൽ 2021 ആഗസ്‌ത്‌ 11-നാണ് കളർ കോഡ് നടപ്പാക്കിയത്. കേന്ദ്ര ഗതാഗത മന്ത്രാലയത്തിന്റെ 2023-ലെ ഓൾ ഇന്ത്യ ടൂറിസ്റ്റ് വെഹിക്കിൾസ് (പെർമിറ്റ്) ചട്ടങ്ങളും വിനോദസഞ്ചാര മേഖലയിലെ ആവശ്യങ്ങളും പരാതികളും കണക്കിലെടുത്താണ്‌ പുനഃപരിശോധിക്കാൻ നിർദേശിച്ചത്‌. അതേസമയം, റോഡ് സുരക്ഷ മുൻനിർത്തിയുള്ള ഹൈക്കോടതിയുടെ കർശന നിർദേശങ്ങൾ ഉറപ്പുവരുത്തിയായിരിക്കണം പുതിയ നടപടികളെന്ന്‌ ഗസറ്റ് വിജ്ഞാപനത്തിൽ അറിയിച്ചു.