print edition കരിപ്പൂരിൽ 1.67 കോടിയുടെ സ്വർണം പിടികൂടി

കരിപ്പൂർ : കരിപ്പൂർ വിമാനത്താവളത്തിൽ വീണ്ടും സ്വർണ വേട്ട. കാസർകോട് സ്വദേശി മുഹമ്മദ് അസറുദ്ദീനിൽനിന്ന് 1.67 കോടി രൂപയുടെ സ്വർണം പിടികൂടി. തുടർച്ചയായി അഞ്ചാം ദിവസമാണ് കരിപ്പൂരിൽനിന്ന് സ്വർണം പിടികൂടുന്നത്. ഹാൻഡ്ബാഗിൽ സൂക്ഷിച്ച നിലയിലാണ് സ്വർണം കണ്ടെത്തിയത്. അബുദാബിയിൽനിന്നാണ് ഇയാൾ കരിപ്പൂരിലെത്തിയത്. രഹസ്യ വിവരത്തെ തുടർന്ന് ഡയറക്ടറേറ്റ് റവന്യൂ ഇന്റലിജൻസ് (ഡിആർഐ) നടത്തിയ നീക്കമാണ് സ്വർണ കടത്ത് പിടികൂടാനായത്. സമീപ കാലത്തെ ഡിആർഐയുടെ ഏറ്റവും വലിയ സ്വർണ വേട്ടയാണിത്. 1300 ഗ്രാം സ്വർണ മിശ്രിതമാണ് പിടികൂടിയത്.