കോൺ​ഗ്രസിൽ പൊട്ടിത്തെറി; പത്തനംതിട്ട ഡിസിസി ജനറൽ സെക്രട്ടറി രാജിവെച്ചു

പത്തനംതിട്ട: നിയമസഭാ തെരഞ്ഞെടുപ്പ് സീറ്റ് ചർച്ചകളെ തുടർന്നുള്ള പ്രതിസന്ധി രൂക്ഷമായിരിക്കെ പത്തനംതിട്ടയിൽ ഡിസിസി ജനറൽ സെക്രട്ടറി ബാബു ദിവാകരൻ രാജിവെച്ചു. അടൂർ മണ്ഡലത്തിലെ സ്ഥാനാർഥി നിർണയത്തിലെ തർക്കങ്ങളെ തുടർന്നാണ് രാജി. മത്സരിക്കാൻ മണ്ഡലത്തിന് പുറത്തുള്ളവരെ പരി​ഗണിക്കുന്നു എന്നാരോപിച്ചാണ് കോൺ​ഗ്രസിലെ പ്രാഥമിക അം​ഗത്വം രാജിവെച്ചത്.

അഡ്വ. സി വി ശാന്തകുമാറിനെ അടൂരിൽ സ്ഥാനാർഥിയാക്കാനാണ് കോൺ​ഗ്രസ് ധാരണയായിരിക്കുന്നത്. നേരത്തെ രമ്യ ഹരിദാസിനെയും മണ്ഡലത്തിലേക്ക് പരി​ഗണിച്ചിരുന്നു.

മുൻ ന​ഗരസഭാ ചെയർമാനാണ് ബാബു ദിവാസകരൻ. കെപിസിസി സാംസ്‌കാരിക സാഹിതി സംസ്ഥാന ജനറല്‍ സെക്രട്ടറി‌ സ്ഥാനവും വഹിച്ചിട്ടുണ്ട്.