കോഴിക്കോട് മെഡിക്കൽ കോളേജിൽ റാ​ഗിങ് പരാതി; 11 എംബിബിഎസ് വിദ്യാർഥികൾക്ക് സസ്പെൻഷൻ

കോഴിക്കോട്: കോഴിക്കോട് മെഡിക്കൽ കോളേജിൽ ഒന്നാം വർഷ എംബിബിഎസ് വിദ്യാർഥികളെ റാ​ഗ് ചെയ്തതായി പരാതി. റാഗിങ് പരാതിയിൽ 11 രണ്ടാം വർഷ എംബിബിഎസ് വിദ്യാർഥികളെ സസ്പെൻഡ് ചെയ്തു.

കോളേജ് ഹോസ്റ്റലിൽ വെച്ച് ജൂനിയർ വിദ്യാർത്ഥികളെ രണ്ടാം വർഷ വിദ്യാർഥികൾ റാഗ് ചെയ്തതെന്ന് പരാതി ഉയർന്നിരുന്നു. മെഡിക്കൽ കോളേജ് അധികൃതർക്ക് പരാതി നൽകിയതോടെ മെഡിക്കൽ കോളേജ് പ്രിൻസിപ്പൽ അന്വേഷണത്തിന് അഞ്ചം​ഗ സമിതിയെ നിയോ​ഗിച്ചിരുന്നു. പ്രിൻസിപ്പൽ നിയോഗിച്ച അന്വേഷണ സമിതിയുടെ റിപ്പോർട്ട് പ്രകാരമാണ് നടപടി .