'ഞങ്ങളുടെ അവസരം ഇല്ലാതാക്കുന്നു'; ഐഐഎമ്മിൽ മന്ത്രിമാരുടെ ക്ലാസിലേക്ക് പ്രതിഷേധവുമായി ഉദ്യോഗാർഥികൾ

കോഴിക്കോട് : പിഎസ്‍സി റാങ്ക് പട്ടികകളുടെ കാലാവധി നീട്ടുന്നതിനെതിരെ പ്രതിഷേധവുമായി ഉ​ദ്യോ​ഗാർഥികൾ. കോഴിക്കോട് ഐഐഎമ്മിൽ മന്ത്രിമാർ പങ്കെടുക്കുന്ന ശിൽപശാല വേദിക്ക് മുന്നിൽ എച്ച്എസ്ടി ഷോർട് ലിസ്റ്റിലുള്ള ഉദ്യോ​ഗാർഥികൾ പ്രതിഷേധവുമായെത്തി. മുഖ്യമന്ത്രിയെ നേരിൽ കാണണമെന്നാണ് ആവശ്യം. ജൂലൈ, ആ​ഗസ്ത് മാസങ്ങളിൽ കാലാവധി അവസാനിക്കേണ്ട ലിസ്റ്റുകളാണ് നവംബർ വരെ നീട്ടിയത്.

ലിസ്റ്റ് വീണ്ടും നീട്ടുന്നത് ഷോർട് ലിസ്റ്റിലുള്ള ഉദ്യോ​ഗാർഥികളുടെ അവസരം ഇല്ലാതാക്കുമെന്ന് ഉദ്യോ​ഗാർഥികൾ പറയുന്നു. രണ്ടാമത്തെ തവണയാണ് എച്ച്എസ്ടി റാങ്ക് ലിസ്റ്റിന്റെ കാലാവധി നീട്ടുന്നത്. പല കാരണങ്ങൾ കൊണ്ടാണ് മുമ്പ് റാങ്ക് ലിസ്റ്റ് നീട്ടിയത്. എന്നാൽ വീണ്ടും ലിസ്റ്റിന്റെ കാലാവധി നീട്ടുന്നത് നിലവിൽ ഷോർട് ലിസ്റ്റിലുള്ള ഉദ്യോ​ഗാർഥികളുടെ അവസരം ഇല്ലാതാക്കും. നിലവിൽ ലിസ്റ്റിലുള്ളവരുടെ അവസരവും പഴയ ലിസ്റ്റിലുള്ള ഉദ്യോ​ഗാർഥികൾക്ക് ലഭിക്കുമെന്നും തങ്ങളുടെ അവസരം നഷ്ടപ്പെടുമെന്നും പ്രതിഷേധിക്കുന്ന ഉദ്യോ​ഗാർഥികൾ പറയുന്നു.

റാങ്ക് ലിസ്റ്റിന് വേണ്ടി കാത്തിരിക്കുകയാന്നും ഇനിയും കാലാവധി നീട്ടിയാൽ അവസരം ഇല്ലാതാകുമെന്നും ഉദ്യോ​ഗാർഥികൾ പറയുന്നു. ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് സംഘടിപ്പിക്കുന്ന ദ്വിദിന നേതൃത്വ ശിൽപശാല 'റീഇമാജിനിങ് കേരളത്തിൽ പങ്കെടുക്കാനാണ് മുഖ്യമന്ത്രിമാരും മന്ത്രിമാരും കോഴിക്കോടെത്തിയത്. മുഖ്യമന്ത്രിയെ കണ്ട് നിവേദനം നൽ‌കുമെന്നും ഉദ്യോ​ഗാർഥികൾ പറഞ്ഞു.