ചരിത്ര വെങ്കലവുമായി സുചിക; എംഎംഎയിൽ ഇന്ത്യക്ക് ആദ്യ മെഡൽ

ന​ഗോയ : ഏഷ്യൻ ​ഗെയിംസിൽ മിക്സഡ് മാർഷ്യൽ ആർട്സിൽ (എംഎംഎ) സെമിയിൽ പരാജയപ്പെട്ടെങ്കിലും വെങ്കല നേട്ടത്തോടെ ചരിത്രം കുറിച്ച് സുചിക തരിയാൽ. എംഎംഎയിൽ വനിതകളുടെ 60 കിലോഗ്രാം വിഭാ​ഗത്തിൽ ഇന്ത്യക്ക് ആദ്യ മെഡൽ നേടിക്കൊടുത്താണ് സുചിക ചരിത്രത്തിലിടം നേടിയത്. സെമിഫൈനലിൽ സിംഗപ്പൂരിന്റെ ടിയോ ഹുയി ഹൂണിനോടാണ് സൂചിക പരാജയപ്പെട്ടത്. ക്വാർട്ടർ ഫൈനലിൽ മംഗോളിയയുടെ അൽതാഞ്ചിമെഗ് ബൈഗൽമയെ 2-0ന് പരാജയപ്പെടുത്തിയാണ് അവസാന നാലിൽ സുചിക ഇടം നേടിയത്.

ജൂഡോയിലും കുറാഷിലും ഇന്ത്യയെ പ്രതിനിധീകരിച്ചിട്ടുള്ള തരിയാൽ ഒരു മൾട്ടി ഡിസിപ്ലിനറി കോംബാറ്റ് സ്പോർട്സ് താരമാണ്. കാൽമുട്ടിനേറ്റ പരിക്കിനെ മറികടന്ന് ഏഷ്യൻ ഗെയിംസ് എംഎംഎയിൽ പങ്കെടുക്കാൻ സുചികെയത്തിയത്. 2026 ലെ ഐച്ചി-നഗോയ ഏഷ്യൻ ഗെയിംസിലാണ് എംഎംഎ ഉൾപ്പെടുത്തിയത്. 2022ലെ കോമൺ‌വെൽത്ത് ഗെയിംസിൽ ജൂഡോയിലും 2023ലെ ഏഷ്യൻ ഗെയിംസിൽ കുറാഷിലും ഇന്ത്യയെ പ്രതിനിധീകരിച്ചു. 2024ലെ ജ്യു-ജിറ്റ്സു ലോക ചാമ്പ്യൻ കൂടിയായ സുചികയുടെ കായിക യാത്രയിലെ ഏറ്റവും പുതിയ അധ്യായമാണിത്.