ഏഷ്യൻ പാരാ ഗെയിംസ്: നീന്തലിൽ ഹിമാൻഷു നന്ദാലിന് വെങ്കലം, ഇന്ത്യയുടെ രണ്ടാം മെഡൽ

ന്യൂഡൽഹി : ഏഷ്യൻ പാരാ ഗെയിംസിൽ നീന്തലിൽ ഇന്ത്യയുടെ ഹിമാൻഷു നന്ദാലിന് വെങ്കലം. പുരുഷന്മാരുടെ 400 മീറ്റർ ഫ്രീസ്റ്റൈൽ എസ്11 വിഭാഗത്തിൽ 5 മിനിറ്റ് 10.91 സെക്കൻഡിൽ ഫിനിഷ് ചെയ്താണ് ഹിമാൻഷു മൂന്നാം സ്ഥാനം നേടിയത്. ഇതോടെ 2026ലെ ഏഷ്യൻ പാരാ ഗെയിംസിൽ നീന്തലിൽ ഇന്ത്യയുടെ മെഡൽ നേട്ടം രണ്ടായി.

കാഴ്ചപരിമിതിയുള്ള താരങ്ങൾ മത്സരിക്കുന്ന വിഭാഗമാണ് എസ്11. ഈ വിഭാഗത്തിൽ മികച്ച പ്രകടനം പുറത്തെടുത്ത ഹിമാൻഷു ഫിനിഷിങ്ങിൽ മൂന്നാം സ്ഥാനത്തെത്തി വെങ്കല മെഡൽ സ്വന്തമാക്കുകയായിരുന്നു. ഹിമാൻഷുവിന്റെ നേട്ടം ഇന്ത്യൻ സംഘത്തിന് മറ്റൊരു മെഡൽ കൂടി സമ്മാനിച്ചു.