വീണ്ടും മെസി മാജിക്, ഒരു ​ഗോൾ, മൂന്ന് അസിസ്റ്റ്; മയാമി ഈസ്റ്റേൺ കോൺകാകാഫ് ഫൈനലിൽ

ഒഹിയോ: കോൺകാകാഫ് ചാമ്പ്യൻസ് കപ്പിൽ ഇന്റർ മയാമി കുതിപ്പ് തുടരുന്നു. എഫ്‌സി സിൻസിനാറ്റിയെ ഒന്നിനെതിരെ നാലു ​ഗോളുകൾക്ക് തകർത്താണ് മയാമി എംഎൽഎസ് ഈസ്റ്റേൺ കോൺകാകാഫ് ഫൈനലിലേക്ക് യോഗ്യത നേടിയത്. നിർണായക മത്സരത്തിൽ സൂപ്പർ താരം ലയണൽ മെസി ​ഗോളടിച്ചും അടിപ്പിച്ചുമാണ് ടീമിനെ മുന്നോട്ട് നയിച്ചത്.

തുടക്കം മുതൽ കളിയുടെ നിയന്ത്രണം ഏറ്റെടുത്ത മയാമി, മെസിയുടെ മികവിലൂടെയാണ് ആധികാരിക ജയം സ്വന്തമാക്കിയത്. കളിയുടെ 19-ാം മിനിറ്റിൽ തകർപ്പൻ ഹെഡറിലൂടെ മെസി ടീമിന് ലീഡ് നേടിക്കൊടുത്തു. രണ്ടാം പകുതിയിൽ മയാമി . സിൻസിനാറ്റിയുടെ പ്രതിരോധനിരയിൽ വിള്ളലുകൾ വീഴ്ത്തി മുന്നേറ്റങ്ങൾ നടത്തി. മിഡ്ഫീൽഡ് കൃത്യതയോടെ പന്ത് തട്ടിയപ്പോൾ കളി പുരോഗമിക്കുന്തോറും മിയാമി കൂടുതൽ മികച്ച അവസരങ്ങൾ ലഭിച്ചു.

57-ാം മിനിറ്റിൽ മാറ്റിയോ സിൽവെറ്റിയിലൂടെ ടീം ലീഡ് ഉയർത്തി. ബോക്സിനുള്ളിലേക്ക് മെസിയുടെ കൃത്യതയാർന്ന് പാസ് എളുപ്പത്തിൽ ​ഗോളാക്കി മാറ്റാൻ സിൽവെറ്റിക്കായി. പിന്നാലെ 63, 74 മിനിറ്റുകളിൽ ടഡിയോ അലെൻഡെ മയാമിയ്ക്കായി ​ഗോൾ കണ്ടത്തി. മെസി തന്നെയാണ് ഈ ​ഗോളുകൾക്കും വഴിയൊരുക്കിയത്.