ആ​ദ്യ വിജയവുമായി ക്രൊയേഷ്യ; പാനമ പുറത്ത്

ടൊറന്റോ : ​ഗ്രൂപ്പ് എല്ലിലെ ആവേശപ്പോരാട്ടത്തിൽ ക്രൊയേഷ്യയ്ക്ക് ആദ്യ ജയം. പാനമയെ എതിരില്ലാത്ത ഒരു ​ഗോളിന് തോൽപ്പിച്ചാണ് കഴിഞ്ഞ ലോകകപ്പിലെ മൂന്നാം സ്ഥാനക്കാർ ഈ ലോകകപ്പിൽ ആദ്യ വിജയം നേടിയത്. ഇതോടെ മൂന്ന് പോയിന്റുമായി ക്രൊയേഷ്യ ​ഗ്രൂപ്പിൽ മൂന്നാം സ്ഥാനത്തെത്തി. രണ്ട് തോൽവിയോടെ പാനമ ലോകകപ്പിൽ നിന്ന് പുറത്തായി.

​ഗോളൊഴിഞ്ഞു നിന്ന ആദ്യ പകുതിക്കുശേഷം ക്രൊയേഷ്യ ആക്രമിച്ച കളിച്ചു. 54ാം മിനിറ്റിലാണ് ക്രൊയേഷ്യയുടെ വിജയ​ഗോൾ പിറക്കുന്നത്. ആന്റെ ബുഡിമിർ ആണ് വിജയ​ഗോൾ നേടിയത്. ലക്ഷ്യത്തിലേക്ക് ഇരുടീമുകളും പന്ത് തൊടുത്തെങ്കിലും പനാമയ്ക്ക് അവസരങ്ങൾ ​ഗോളാക്കാനായില്ല.

ആദ്യ മത്സരത്തിൽ ഇം​ഗ്ലണ്ടിനോട് രണ്ടിനെതിരെ നാല് ​ഗോളുകൾക്കാണ് ക്രൊയേഷ്യ പരാജയപ്പെട്ടത്. ഇന്ന് നടന്ന മറ്റൊരു മത്സരത്തിൽ ഘാന ഇം​ഗ്ലണ്ടിനെ ​ഗോൾ രഹിത സമനിലയിൽ തളച്ചതോടെ ഇരു ടീമുകളും നാല് പോയിന്റ് വീതം നേടി മുന്നിലാണ്. ​ഗോൾ വ്യത്യാസത്തിൽ ഇം​ഗ്ലണ്ടാണ് മുന്നിൽ.

പാനമയെ തോൽപ്പിച്ചതോടെ ക്രൊയേഷ്യയുടെ നോക്കൗട്ട് പ്രതീക്ഷകൾ വീണ്ടും സജീവമായി. ഘാനയുമായി 28നാണ് അവസാന മത്സരം. ഒരു വിജയവും ഒരു സമനിലയുമായെത്തുന്ന ഘാനയുമായുള്ള മത്സരഫലമാണ് മുൻ ലോകകപ്പിലെ മൂന്നാം സ്ഥാനക്കാരുടെ ഈ ലോകകപ്പിലെ വിധി നിർണയിക്കുന്നത്. അതേ ദിവസം തന്നെ ഇം​ഗ്ലണ്ട് പാനമയെയും നേരിടും.