Deshabhimani

നേഷൻസ്‌ ലീഗ്‌ ക്വാർട്ടർ ലൈനപ്പായി; സ്‌പെയ്‌നിന്‌ ഫ്രാൻസ്‌; പോർച്ചുഗലിന്‌ നെതർലൻഡ്‌സ്

UEFA Nations League.jpg
വെബ് ഡെസ്ക്

Published on Nov 20, 2026, 06:46 PM | 1 min read

മാഡ്രിഡ്‌: നേഷൻസ്‌ ലീഗ്‌ ഫുട്‌ബോൾ ക്വാർട്ടർ ഫൈനനലിൽ തീപാറും പോരാട്ടം. നിലവിലെ ചാമ്പ്യന്മാരായ പോർച്ചു​ഗലിന് നെതർലൻഡ്സ് ആണ് എതിരാളി. ഫുട്ബോൾ ലോകകപ്പ് ചാമ്പ്യന്മാരായ സ്പെയിൻ കരുത്തരായ ഫ്രാൻസിനെ നേരിടും. ഇം​ഗ്ലണ്ട് നോർവേയെയും ജർമനി ബൽജിയത്തെയും നേരിടും. അടുത്ത വർഷം മാർച്ചിലാണ്‌ മത്സരങ്ങൾ.


ലോകകപ്പിലെ സെമി ക്വാർട്ടർ പോരാട്ടത്തിന്റെ തുടർച്ച നേഷൻസ്‌ ലീഗിലും അരങ്ങേറുമെന്ന കൗതുകമുണ്ട്. ലോകകപ്പ് സെമിഫൈനലിലാണ് സ്പെയിനും ഫ്രാൻസും അവസാനം ഏറ്റുമുട്ടിയത്. അന്ന് ജയം സ്പെയിനൊപ്പമായിരുന്നു. എതിരില്ലാത്ത രണ്ട് ​ഗോളിന് സ്പെയിൻ ജയിച്ചു കയറുകയായിരുന്നു. ഇംഗ്ലണ്ട് നോര്‍വേ പോരാട്ടം ലോകകപ്പ് ക്വാര്‍ട്ടര്‍ ഫൈനലിന്റെ ആവര്‍ത്തനമാണ്. ഇരുടീമുകളും ലോകകപ്പ് ക്വാര്‍ട്ടര്‍ ഫൈനലില്‍ ഏറ്റുമുട്ടിയപ്പോള്‍ ഒന്നിനെതിര രണ്ട് ഗോളുകള്‍ക്ക് ഇംഗ്ലണ്ട് ജയിച്ചു.


അതേസമയം സൂപ്പർതാരം ക്രിസ്റ്റ്യാനോ റോണാൾഡോയില്ലാതെ ആദ്യമായാണ് പോർച്ചു​ഗൽ നോക്കൗട്ടിന് ഇറങ്ങുന്നത്.



deshabhimani section

Related News

View More
0 comments
Sort by

Deshabhimani
Home