print edition വനിതാ ഏകദിന ക്രിക്കറ്റ്‌ ലോകകപ്പ്‌ ഫൈനൽ ; കന്നിക്കിരീടം തേടി ഇന്ത്യ

Women's Odi World Cup 2025 india south africa

ഇന്ത്യൻ ക്യാപ്‌റ്റൻ ഹർമൻപ്രീത്‌  ക‍ൗറും ദക്ഷിണാഫ്രിക്കൻ ക്യാപ്‌റ്റൻ ലോറ വൂൾവാർഡ്‌റ്റും ലോകകപ്പിനൊപ്പം

വെബ് ഡെസ്ക്

Published on Nov 02, 2025, 03:35 AM | 2 min read

നവി മുംബൈ

ചരിത്രത്തിന്‌ അരികെയാണ്‌ ഇന്ത്യയുടെ വനിതാ ക്രിക്കറ്റ്‌ ടീം. കൈ തൊടാവുന്ന അകലത്തിൽ ഏകദിന ക്രിക്കറ്റ്‌ ലോകകപ്പുണ്ട്‌. നവി മുംബൈയിലെ ഡി വൈ പാട്ടീൽ സ്‌റ്റേഡിയത്തിൽ ഞായറാഴ്‌ച പകൽ മൂന്നിന്‌ നടക്കുന്ന ഫൈനലിൽ ദക്ഷിണാഫ്രിക്കയാണ്‌ എതിരാളി. ഇരുടീമുകളും ഇതുവരെ ലോകകപ്പ്‌ നേടിയിട്ടില്ല. ഏഴ്‌ തവണ ലോക ചാമ്പ്യൻമാരായ ഓസ്‌ട്രേലിയയെ സെമിയിൽ തോൽപ്പിച്ചാണ്‌ ഇന്ത്യ ഫൈനലിൽ കടന്നത്‌.

മറുവശത്ത്‌, ദക്ഷിണാഫ്രിക്ക നാല്‌ തവണ കിരീടം നേടിയ ഇംഗ്ലണ്ടിനെ മറികടന്നു.

ഹർമൻപ്രീത്‌ ക‍ൗർ നയിക്കുന്ന ഇന്ത്യൻ ടീം ഗ്രൂപ്പ്‌ ഘട്ടത്തിൽ ആദ്യ മൂന്ന്‌ കളി ജയിച്ചാണ്‌ തുടങ്ങിയത്‌. ശേഷം തുടർച്ചയായ മൂന്ന്‌ തോൽവി വഴങ്ങി പുറത്താകലിന്റെ വക്കിലായി.

ദക്ഷിണാഫ്രിക്കയോട്‌ മൂന്ന്‌ വിക്കറ്റിന്‌ കീഴടങ്ങി. ഒടുവിൽ നിർണായക മത്സരത്തിൽ ന്യൂസിലൻഡിനെ തോൽപ്പിച്ച്‌ സെമി ഉറപ്പിക്കുകയായിരുന്നു.ക്യാപ്‌റ്റൻ ഹർമൻപ്രീത്‌ ക‍ൗർ, വൈസ്‌ ക്യാപ്‌റ്റൻ സ്‌മൃതി മന്ദാന, ഓസീസിനെതിരായ സെമിയിൽ ജയമൊരുക്കിയ ജെമീമ റോഡ്രിഗസ്‌ എന്നിവരാണ്‌ ബാറ്റിങ്‌ നിരയിലെ പ്രധാനികൾ. ഓൾ റ‍ൗണ്ടർ ദീപ്‌തി ശർമയുടെ പ്രകടനം നിർണായകമാകും.

ഇന്ത്യൻ കരുത്ത്‌

പരിചയസന്പത്തുള്ള ബാറ്റിങ്‌ നിര

സ്‌പിന്നർമാരുടെ മികവ്‌

സ്വന്തം തട്ടകമെന്ന ആനുകൂല്യം

ദ‍ൗർബല്യം

എളുപ്പത്തിൽ തകരുന്ന വാലറ്റം

തെളിയാത്ത പേസർമാർ

നിർണായക ഘട്ടങ്ങളിലെ പതർച്ച

ദ.ആഫ്രിക്കൻ  കരുത്ത്‌

ലോറ വൂൾവാർഡ്‌റ്റിന്റെ റണ്ണടി

ഓൾ റ‍ൗണ്ടർമാരുടെ മികച്ച നിര

വാലറ്റത്തെ ബാറ്റിങ്‌ നിര