റാഞ്ചിയിൽ മിന്നിച്ച് ഇന്ത്യ; ദക്ഷിണാഫ്രിക്കയെ തകർത്തു

റാഞ്ചി: റാഞ്ചിയിൽ നടന്ന ഇന്ത്യ - ദക്ഷിണാഫ്രിക്ക ഏകദിന പരമ്പരയിലെ ആദ്യ മത്സരത്തിൽ ഇന്ത്യക്ക് 17 റൺസിന്റെ തകർപ്പൻ വിജയം. 50 ഓവറിൽ എട്ട് വിക്കറ്റ് നഷ്ടത്തിൽ 349 റൺസാണ് ഇന്ത്യ നേടിയത്. ദക്ഷിണാഫ്രിക്കക്കെതിരെ ഇന്ത്യ നേടുന്ന രണ്ടാമത്തെ ഉയർന്ന സ്കോറാണിത്.
തുടർച്ചയായി പതിനെട്ടാം തവണയും ടോസ് നഷ്ടപ്പെട്ടാണ് ഇന്ത്യ ബാറ്റിങ്ങിന് ഇറങ്ങിയത്. നാലാം ഓവറിൽ 18 റൺസെടുത്ത ഓപ്പണർ യശസ്വി ജയ്സ്വാൾ മടങ്ങിയെങ്കിലും, വിരാട് കോഹ്ലിയും മുൻ ക്യാപ്റ്റൻ രോഹിത് ശർമയും ചേർന്ന് ഇന്നിങ്സ് മുന്നോട്ട് നയിച്ചു.
രണ്ടാം വിക്കറ്റിൽ ഇരുവരും ചേർന്ന് 136 റൺസിന്റെ കൂട്ടുകെട്ടാണ് പടുത്തുയർത്തിയത്. അഞ്ച് ഫോറും മൂന്ന് സിക്സറും സഹിതം 51 പന്തിൽ 57 റൺസെടുത്ത രോഹിത് ശർമ മാർകോ യാൻസെണിൻ്റെ പന്തിൽ വിക്കറ്റിന് മുന്നിൽ കുടുങ്ങി മടങ്ങി. ഈ മത്സരത്തിൽ ഏകദിന ക്രിക്കറ്റിൽ ഏറ്റവും കൂടുതൽ സിക്സറുകൾ നേടുന്ന താരമെന്ന ഷാഹിദ് അഫ്രീദിയുടെ റെക്കോർഡ് രോഹിത് മറികടന്നു.
തുടർന്നെത്തിയ ഋതുരാജ് ഗെയ്ക്ക്വാദ് (8), വാഷിങ്ടൺ സുന്ദർ (8) എന്നിവർ വേഗം മടങ്ങിയെങ്കിലും, ക്യാപ്റ്റൻ കെ എൽ രാഹുൽ കോഹ്ലിക്ക് ഉറച്ച പിന്തുണ നൽകി. പന്ത് നഷ്ടപ്പെടുത്താതെ കരുതലോടെ ബാറ്റ് ചെയ്ത കോഹ്ലി 48 പന്തിൽ അർധസെഞ്ചുറിയും 102 പന്തിൽ സെഞ്ചുറിയും പൂർത്തിയാക്കി. 11 ഫോറും ഏഴ് സിക്സറും ഉൾപ്പെടെ 120 പന്തിൽ 135 റൺസാണ് കൊഹ്ലി നേടിയത്.









0 comments