ഇസ്രയേൽ വംശഹത്യ; ഗാസയിൽ 70,000 മരണം

ഗാസാ സിറ്റി : ഇസ്രയേൽ ആക്രമണത്തിൽ ഗാസയിൽ കൊല്ലപ്പെട്ടവരുടെ എണ്ണം 70,000 കവിഞ്ഞു. 2023 ഒക്‌ടോബർ ഏഴ് മുതൽ ഗാസയിൽ 70,100 പേരാണ്‌ കൊല്ലപ്പെട്ടത്‌. 1,70,965 പേർക്ക്‌ ഗുരുതരമായി പരിക്കേറ്റു. വെടിനിർത്തല്‍ കരാര്‍ നിലവില്‍ വന്നശേഷവും 300ലേറെപ്പേർ കൊല്ലപ്പെട്ടു. വെടിനിർത്തൽ പ്രഖ്യാപിച്ചിട്ടും വ്യോമാക്രമണവും കെട്ടിടങ്ങൾ ഇടിച്ചുനിരത്തലും തുടരുന്നു. വടക്കൻ ഗാസയ്‌ക്കുപുറമേ അധിനിവേശ വെസ്റ്റ്‌ ബാങ്കിലും ആക്രമണം രൂക്ഷം. വെടിനിർത്തൽ കരാറിന്റെ ഭാഗമായ പുനരധിവാസ പ്രവർത്തനങ്ങൾ ആരംഭിച്ചിട്ടില്ല. ഇസ്രയേൽ സേന പിൻമാറിയിട്ടുമില്ല.

തെക്കൻ ഗാസയിലെ ഖാൻ യൂനിസിൽ കഴിഞ്ഞ ദിവസം ഇസ്രയേൽ ആക്രമണത്തിൽ ഗാസയിൽ കൊല്ലപ്പെട്ടവരുടെ എണ്ണം 70,000 കവിഞ്ഞു. 2023 ഒക്‌ടോബർ ഏഴ് മുതൽ ഗാസയിൽ 70,100 പേരാണ്‌ കൊല്ലപ്പെട്ടത്‌. 1,70,965 പേർക്ക്‌ ഗുരുതരമായി പരിക്കേറ്റു. വെടിനിർത്തല്‍ കരാര്‍ നിലവില്‍ വന്നശേഷവും 300ലേറെപ്പേർ കൊല്ലപ്പെട്ടു. ഇസ്രയേൽ ഡ്രോൺ ആക്രമണത്തിൽ സഹോദരങ്ങളായ രണ്ടു കുട്ടികൾ കൊല്ലപ്പെത്‌. ഹമാസ്‌ ഭീകരരെയാണ്‌ ലക്ഷ്യം വയ്‌ക്കുന്നതെന്നാണ്‌ ഇസ്രയേലിന്റെ വിശദീകരണം. വെടിനിർത്തൽ കരാർ ലംഘിക്കുന്നതിനെതിരെ ഹമാസ്‌ പ്രതിനിധികൾ തുർക്കിയയിൽ ചർച്ച നടത്തി. മധ്യസ്ഥരാജ്യങ്ങൾ ഇടപെടണമെന്നാണ്‌ ഹമാസിന്റെ ആവശ്യം. ഗാസയ്‌ക്ക്‌ പുറമെ സിറിയയിലും ലബനനിലും ഇസ്രയേൽ ആക്രമണം നടത്തുന്നു. സിറിയയിലെ ദമാസ്‌കസിൽ നടത്തിയ ആക്രമണത്തിൽ കുട്ടികൾ ഉൾപ്പെടെ 13 പേരാണ്‌ കൊല്ലപ്പെട്ടത്‌. അഴിമതിക്കേസുകൾ:
മാപ്പപേക്ഷ നൽകി നെതന്യാഹു ടെൽ അവീവ്‌ അഴിമതിക്കേസുകളിൽനിന്ന്‌ ഒഴിവാക്കണമെന്നാവശ്യപ്പെട്ട്‌ പ്രസിഡന്റിന്‌ മാപ്പപേക്ഷ നൽകി ഇസ്രയേൽ പ്രധാനമന്ത്രി ബെന്യാമിൻ നെതന്യാഹു. പ്രസിഡന്റ് ഐസക് ഹെർസോഗിനാണ്‌ മാപ്പപേക്ഷ നൽകിയത്‌. 


ലക്ഷക്കണക്കിന്‌ ഡോളർ വിലവരുന്ന സമ്മാനങ്ങൾ കൈപ്പറ്റിയതുൾപ്പെടെ മൂന്ന്‌ അഴിമതിക്കേസുകളാണ്‌ നെതന്യാഹുവിന്റെ പേരിലുള്ളത്‌. 2019 ൽ രജിസ്‌റ്റർ ചെയ്‌ത കേസുകളിൽ വിചാരണ തുടരുകയാണ്‌. യുഎസ്‌ പ്രസിഡന്റ്‌ ഡോണൾഡ്‌ ട്രംപ്‌ കഴിഞ്ഞ ഒക്‌ടോബറിൽ ഇസ്രയേൽ പാർലമെന്റിൽ നടത്തിയ പ്രസംഗത്തിനിടെ നെതന്യാഹുവിന് മാപ്പ് നൽകണമെന്ന്‌ പ്രസിഡന്റിനോട്‌ ആവശ്യപ്പെട്ടിരുന്നു.നവംബറിൽ ട്രംപ്‌ ഹെർസോഗിന്‌ ഇക്കാര്യം ആവശ്യപ്പെട്ട്‌ കത്തും നൽകി.