കൊല്ലത്ത് വാഹനാപകടം; രണ്ട് പേർ മരിച്ചു, മരിച്ചയാളുടെ സുഹൃത്തുക്കൾ ആശുപത്രി അധികൃതരെ ആക്രമിച്ചു

കൊല്ലം: കാവനാട് ഇരുചക്ര വാഹനം നിയന്ത്രണം വിട്ടുണ്ടായ അപകടത്തിൽ രണ്ട് പേർ മരിച്ചു. രാമൻകുളങ്ങര സ്വദേശി അനൂപ്, പശ്ചിമ ബം​ഗാൾ സ്വദേശി ​ഗോബിന്ദ ദാസ് എന്നിവരാണ് മരിച്ചത്. അപകടത്തിൽ പരിക്കേറ്റ ഇരുവരെയും കൊല്ലം ജില്ലാ ആശുപത്രിയിലായിരുന്നു പ്രവേശിപ്പിച്ചത്.

അതേസമയം അനൂപിന്റെ സുഹൃത്തുക്കൾ ആശുപത്രി അധികൃതരെ കൈയ്യേറ്റം ചെയ്തു. ആശുപത്രിയുടെ ചില്ലുകൾ അടിച്ചു തകർക്കുകയും ചെയ്തു. അക്രമത്തിൽ സുരക്ഷാ ജീവനക്കാരിക്ക് പരിക്കേറ്റു.