ദുബായിൽ പ്രധാന റോഡുകളുടെ അറ്റകുറ്റപ്പണി പൂർത്തിയായി

ദുബായ്: ദുബായിലെ ഒമ്പത് പ്രധാന റോഡുകളിലും ആറു മേഖലകളിലുമായി 17 കിലോമീറ്റർ ദൈർഘ്യമുള്ള ടാറിങ് റോഡുകളുടെ അറ്റകുറ്റപ്പണിയും നവീകരണ പ്രവർത്തനങ്ങളും പൂർത്തിയാക്കിയതായി ദുബായ് ​ആർടിഎ. വാർഷിക പ്രതിരോധ പരിപാലന പദ്ധതിയുടെ ഭാഗമായാണിത്‌. പ്രധാന റോഡുകൾ, താമസ മേഖലകൾ, വ്യാവസായിക മേഖലകൾ, സൈക്കിൾ പാതകൾ എന്നിവ പദ്ധതിയുടെ പരിധിയിൽ ഉൾപ്പെടുത്തി. ​ദുബായുടെ റോഡ് ശൃംഖല അന്താരാഷ-്‌ട്ര നിലവാരത്തിൽ നിലനിർത്താനും ഗതാഗത സൗകര്യം മെച്ചപ്പെടുത്താനും റോഡ് സുരക്ഷ വർധിപ്പിക്കാനുമുള്ള നടപടികളുടെ ഭാഗമായാണ് നവീകരണ പ്രവർത്തനങ്ങൾ. റോഡുകളിലെ കേടുപാടുകൾ ഗുരുതരമാകുംമുമ്പ് കണ്ടെത്താനായി ലേസർ സ-്‌കാനിങ് സാങ്കേതികവിദ്യയും എഐ അധിഷ്‌ഠിത സംവിധാനങ്ങളും ഉപയോഗിച്ചാണ് പരിശോധനകളും അറ്റകുറ്റപ്പണികളും നടത്തിയത്.

​ഷെയ്ഖ് മുഹമ്മദ് ബിൻ സായിദ് റോഡ്, അൽ ഖവാനീജ് തെരുവ്‌, ബാഗ-്‌ദാദ് തെരുവ്‌, അൽ മനാമ തെരുവ്‌, അൾജീരിയ തെരുവ്‌, കിങ് സൽമാൻ ബിൻ അബ-്‌ദുൾ അസീസ് അൽ സൗദ് തെരുവ്‌, ഷെയ്ഖ് സായിദ് ബിൻ ഹംദാൻ അൽ നഹ്യാൻ തെരുവ്‌, റിയാദ് തെരുവ്‌, അമ്മാൻ തെരുവ്‌, അൽ വുഹൈദ തെരുവ്‌, സബീൽ പാലസ് തെരുവ്‌ എന്നിവിടങ്ങളിലാണ് പ്രധാനമായും പ്രവർത്തനങ്ങൾ നടന്നത്.

​മിർദിഫ്, അൽ ഗർഹൂദ്, സഅബീൽ–1, മർഗം, അൽ താനിയ ഫിഫ്ത്, ജബൽ അലി ഇൻഡസ്ട്രിയൽ–2 എന്നീ മേഖലകളിലെ ആന്തരിക റോഡുകളിലും വ്യാവസായിക മേഖലകളിലും അറ്റകുറ്റപ്പണികൾ പൂർത്തിയാക്കി. ​പരിപാലന പ്രവർത്തനങ്ങളുമായി ബന്ധപ്പെട്ട് ചിലയിടങ്ങളിൽ താൽക്കാലിക ഗതാഗത ക്രമീകരണങ്ങൾ നിലവിലുണ്ടാകാമെന്നും വാഹനമോടിക്കുന്നവർ മുന്നറിയിപ്പ് ബോർഡുകൾ പാലിച്ച് ജാഗ്രത പുലർത്തണമെന്നും ആർടിഎ അറിയിച്ചു.