പിടിവിടുമോ പൊന്ന്: സ്വർണവിലയിൽ വർധന

കൊച്ചി: സംസ്ഥാനത്ത് സ്വർണവിലയിൽ വർധനവ് രേഖപ്പെടുത്തി. പവന് 520 രൂപ കൂടി 95,760 രൂപയായി. 11,970 രൂപയാണ് ഒരു ഗ്രാം സ്വർണത്തിന്‍റെ വില. 65 രൂപയാണ് ​ഗ്രാമിന് വർധിച്ചത്. ഏറ്റവും കുറഞ്ഞ പണിക്കൂലിയായ അഞ്ച് ശതമാനവും ജിഎസ്ടിയും ഹാൾമാർക്കിങ് ചാർജും ചേർത്താൽ ഇന്ന് ഒരു പവൻ സ്വർണാഭരണം വാങ്ങണമെങ്കിൽ ഒരു ലക്ഷം രൂപയിൽ കൂടുതൽ നൽകണം.

ഇന്നലെ രണ്ടുതവണ സ്വർണവില നേരിയ തോതിൽ കുറഞ്ഞിരുന്നു. ഈ മാസത്തെ കുറഞ്ഞ വിലയായ 95,240 രൂപയായിരുന്നു ഇന്നലെ വൈകീട്ട് രേഖപ്പെടുത്തിയത്. ഇന്ത്യയുടെ രൂപ വലിയ തോതില്‍ ഇടിയുന്നത് ഇന്ന് സ്വര്‍ണവില ഉയരാന്‍ കാരണമായി എന്നാണ് കണക്കാക്കുന്നത്.