കല്യാണബജറ്റ് താളം തെറ്റും; പൊന്നിൻ വില കുതിക്കുന്നു

തിരുവനന്തപുരം : കല്യാണത്തിനായി ഒരുങ്ങുന്നവരുടെ ബജറ്റിനെ താളം തെറ്റിച്ചു കൊണ്ട് സ്വർണവില കുതിച്ചുയരുകയാണ്. ഇന്നും സ്വർണവില ഒരു പവന് 1,120 രൂപ കൂടിയിട്ടുണ്ട്. ഇന്ന് ഒരു പവൻ സ്വർണത്തിന്റെ വില 1,19,600 രൂപയാണ്. ഗ്രാമിന് 140 രൂപ കൂടി 14,950 രൂപയായി. ഇന്ന് വെള്ളിക്ക് ​ഗ്രാമിന് 260 രൂപയാണ്.

കഴിഞ്ഞ രണ്ട് ദിവസമായി സ്വ‌ർണവില ഉയരുകയാണ്. ​ഇന്നലെ പവന് 880 രൂപയും, ബുധനാഴ്ച 3,160 രൂപയുമാണ് വർധിച്ചത്. ഓണം വന്നതിനൊപ്പം വിവാഹസീസണും വന്നതോടെ സ്വർണവില ഒന്നേകാൽ ലക്ഷത്തിന് മുകളിലാണ് നിൽക്കുന്നത്. വരും മാസങ്ങളിൽ സ്വ‌ർണവില ഇനിയും ഉയരുമെന്നാണ് വിപണി വിദ​ഗ്ധർ അഭിപ്രായപ്പെടുന്നത്. ഏകദേശം 2 ലക്ഷം വരെ പവന്റെ വില ഉയർന്നേക്കാം.

ആ​ഗോള വിപണിയിലെ വിവിധ സാ​ഹചര്യങ്ങളാണ് സ്വർണവിലയെ സ്വാധീനിക്കുന്നത്. ക്രൂഡ് ഓയിൽ വില, ഡോളർ - രൂപ വിനിമയ നിരക്ക്, യുഎസ് ട്രഷറി പരിശനിരക്ക് തുടങ്ങി അന്താരാഷ്ട്രതലത്തിലെ ചെറിയ ചലനങ്ങൾ പോലും വിപണിയെ ബാധിക്കുന്നു. ലോകത്തിലെ ഏറ്റവും വലിയ സ്വർണ ഉപഭോക്താക്കളായ ഇന്ത്യയെ സംബന്ധിച്ച് ആഗോളതലത്തിലെ ഏത് മാറ്റവും സ്വർണവിലയിൽ പ്രതിഫലിക്കും.