കാത്തിരുന്നവർക്ക് ആശ്വാസം; പൊന്നിന് വീണ്ടും വില കുറഞ്ഞു

തിരുവനന്തപുരം : സ്വർണം വാങ്ങാൻ കാത്തിരുന്നവർക്ക് ആശ്വാസമേകി ഇന്നും പൊന്നിന് വില കുറഞ്ഞു. സ്വർണവില പവന് 960 രൂപ കുറഞ്ഞ്, 1,13,160 രൂപയിലെത്തി. ​ഗ്രാമിന് 95 രൂപ കുറഞ്ഞ് ​14,145 രൂപയായി. ഇന്നും വെള്ളി വിലയിൽ മാറ്റമൊന്നുമില്ല. വെള്ളി ഒരു ​ഗ്രാമിന് 250 രൂപയും, 10 ​ഗ്രാമിന് 2,500 രൂപയുമാണ്.

അന്താരാഷ്ട്ര വിപണിയിലെ ചാഞ്ചാട്ടങ്ങളെ കൃത്യതയോടെ നിരീക്ഷിക്കുന്ന നിക്ഷേപകർ എക്കാലത്തും പ്രതീക്ഷയർപ്പിക്കുന്ന സുരക്ഷിത നിക്ഷേപമാർ​ഗമാണ് സ്വർണം. ഡോളർ-രൂപ വിനിമയ നിരക്ക്, ഇറക്കുമതി തീരുവ, ക്രൂഡ് ഓയിൽ വില, ആഭ്യന്തര ഓഹരി വിപണിയിലെ മാറ്റങ്ങൾ എന്നിവയെല്ലാം സ്വർണവിലയെ ബാധിക്കുന്ന ഘടകങ്ങളാണ്. പ്രാദേശകമായി പ്രവർത്തിക്കുന്ന ​ഗോൾഡ് അസോസിയേഷനുകളാണ് സംസ്ഥാനത്ത് സ്വർണവില നിശ്ചയിക്കുന്നതെങ്കിലും ആ​ഗോള വിപണിയിലെ ചെറിയ ചലനങ്ങൾ പോലും സ്വർണം വിലയിൽ പ്രതിഫലിക്കാറുണ്ട്.