സംസ്ഥാനത്ത് സ്വർണവില വീണ്ടും കുറഞ്ഞു

കൊച്ചി : സംസ്ഥാനത്ത് സ്വർണവില വീണ്ടും കുറഞ്ഞു. ഇന്ന് 200 രൂപയാണ് പവന് കുറഞ്ഞത്. ഇതോടെ വില 1,10,800 ആയി. ഇന്നലെ 1,11,000 രൂപയായിരുന്നു പവൻ വില. ​ഗ്രാമിന് 25 രൂപ കുറഞ്ഞ് 13,850 ആയി. 24 കാരറ്റിന് പവന് 1,20,880 രൂപയും ​ഗ്രാമിന് 15,110 രൂപയും 18 കാരറ്റിന് പവന് 90,656 രൂപയും ​ഗ്രാമിന് 11,332 രൂപയുമാണ്. ഇന്നലെയും ഗ്രാമിന് 15 രൂപയും പവന് 120 രൂപയും കുറഞ്ഞിരുന്നു. അന്താരാഷ്ട്ര വിപണിയിലെ ചലനങ്ങളാണ് പ്രാദേശിക വിപണിയിലും പ്രതിഫലിക്കുന്നത്.

ഈ മാസം 10ന് രേഖപ്പെടുത്തിയ 1,09,160 രൂപയാണ് സമീപകാലത്തെ ഏറ്റവും കുറഞ്ഞ നിരക്ക്. വിവാഹ സീസൺ സജീവമായിരിക്കുന്ന പശ്ചാത്തലത്തിൽ സ്വർണവിലയിലുണ്ടാകുന്ന ഇടിവ് സാധാരണക്കാരായ ഉപഭോക്താക്കൾക്ക് വലിയ ആശ്വാസമാണ്. നിലവിൽ പണിക്കൂലിയും ജിഎസ്ടിയും ഉൾപ്പെടെ ഒരു പവൻ വാങ്ങാൻ 1,27,000 രൂപയോളം ചിലവാകും.