കൊടകര, മണ്ണുത്തി, ചാവക്കാട്, വടക്കാഞ്ചേരി 
ഏരിയ സമ്മേളനങ്ങൾക്ക് തുടക്കം

കൊടകര
കോടിയേരി ബാലകൃഷ്ണൻ ന​ഗർ   (‌അള​ഗപ്പ ന​ഗർ പഞ്ചായത്ത് 
കമ്യൂണിറ്റി ഹാൾ) 

സിപിഐ എം കൊടകര ഏരിയ സമ്മേളനത്തിന് ആവേശോജ്വല തുടക്കം. പ്രതിനിധി സമ്മേളന നഗറിൽ പി കെ കൃഷ്ണൻകുട്ടി പതാക ഉയർത്തി. ജില്ലാ സെക്രട്ടറി എം എം വർ​ഗീസ് ഉദ്ഘാടനം ചെയ്തു. ജില്ലാ കമ്മിറ്റിയം​ഗം ടി എ രാമകൃഷ്ണൻ താൽക്കാലിക അധ്യക്ഷനായി. പി എൻ വിഷ്ണു രക്തസാക്ഷി പ്രമേയവും ഇ കെ അനൂപ് അനുശോചന പ്രമേയവും അവതരിപ്പിച്ചു. ഏരിയ സെക്രട്ടറി പി കെ ശിവരാമൻ  പ്രവർത്തന റിപ്പോർട്ട് അവതരിപ്പിച്ചു. ടി എ രാമകൃഷ്ണൻ, കെ ജെ ഡിക്സൻ, സരിത രാജേഷ്, പി ആർ പ്രസാദൻ എന്നിവരടങ്ങിയ പ്രസീഡിയമാണ്‌ സമ്മേളന നടപടികൾ നിയന്ത്രിക്കുന്നത്‌. ജില്ലാ സെക്രട്ടറിയറ്റം​ഗങ്ങളായ കെ കെ രാമചന്ദ്രൻ, പി കെ ഡേവിസ് എന്നിവർ പങ്കെടുക്കുന്നു. സോജൻ ജോസഫ് സ്വാ​ഗതം പറഞ്ഞു. പ്രവർത്തന, സംഘടനാ റിപ്പോർട്ടുകളിലുള്ള പൊതുചർച്ച ആരംഭിച്ചു. വെള്ളിയാഴ്ചയും തുടരും. 13 ലോക്കൽ കമ്മിറ്റികളിൽ നിന്നായി 145 പ്രതിനിധികൾ സമ്മേളനത്തിൽ പങ്കെടുക്കുന്നു.

         ശനി വൈകിട്ട്‌  നാലിന് ആമ്പല്ലൂർ അള​ഗപ്പ ടെക്സ്റ്റൈൽസ് പടിക്കൽ നിന്ന് സീതാറാം യെച്ചൂരി ന​ഗറിലേക്ക്(ജോർജ്‌ ടൗൺ) ചുവപ്പ്സേനാ മാർച്ചും ബഹുജനറാലിയും നടക്കും. വൈകിട്ട് അഞ്ചിന് നടക്കുന്ന പൊതുസമ്മേളനം സംസ്ഥാന സെക്രട്ടറിയറ്റംഗം പി കെ ബിജു ഉദ്ഘാടനം ചെയ്യും.