ക്ഷേത്രത്തിൽ മോഷണം: പ്രതി പിടിയിൽ

വെള്ളികുളങ്ങര

ചെമ്പൻകുന്ന് ശ്രീ അന്നപൂർണേശ്വരി ക്ഷേത്രത്തിൽ മോഷണം നടത്തിയ പ്രതിയെ വെള്ളികുളങ്ങര പൊലീസ് അറസ്റ്റ് ചെയ്തു. ചെമ്പൻകുന്ന് പുത്തൻവീട്ടിൽ ഗിരീഷ് (26) ആണ് അറസ്റ്റിലായത്. ​ ഞായർ പുലർച്ചെ 12.45-നും രാവിലെ ഏഴിനും ഇടയിലാണ് സംഭവം. ചെമ്പൻകുന്ന് എസ്എൻഡിപി ശാഖയുടെ കീഴിലുള്ള ക്ഷേത്രത്തിന്റെ ശ്രീകോവിലിനു മുന്നിലെ ഭണ്ഡാരപ്പെട്ടിയിൽ നിന്നുഉൾപ്പെടെ 3,000 രൂപയോളമാണ് മോഷ്ടിച്ചത്. ഗിരീഷിനെ നടപടിക്രമങ്ങൾക്കു ശേഷം കോടതിയിൽ ഹാജരാക്കും. ​വെള്ളിക്കുളങ്ങര പൊലീസ് സ്റ്റേഷൻ ഇൻസ്പെക്ടർ കെ കെ ഷെബാബ്, ഗ്രേഡ് സബ് ഇൻസ്പെക്ടർമാരായ കെ ടി വെൽസ് എന്നിവരാണ്‌ അന്വേഷക സംഘത്തിലുണ്ടായിരുന്നത്.