ശ്രീനാരായണ ഗുരു മഹാസമാധി ദിനം ആചരിച്ചു

തൃശൂർ

എസ്എൻഡിപി യോഗം ആഭിമുഖ്യത്തിൽ ജില്ലയിൽ ശ്രീനാരായണ ഗുരു മഹാസമാധി ദിനം ആചരിച്ചു. തൃശൂർ യൂണിയൻ നേതൃത്വത്തിൽ തെക്കേ ഗോപുരനടയിൽ നടത്തിയ മഹാസമാധി ദിനാചരണം ഇൻകം ടാക്‌സ് അഡീഷണൽ കമീഷണർ ജ്യോതിസ് മോഹൻ ഉദ്‌ഘാടനം ചെയ്‌തു. യൂണിയൻ പ്രസിഡന്റ്‌ ഐ ജി പ്രസന്നൻ അധ്യക്ഷനായി. എസ്എൻഡിപി യോഗം അസി. സെക്രട്ടറി കെ വി സദാനന്ദൻ വിളക്ക്‌ കൊളുത്തി. വനിതാസംഘം കേന്ദ്രസമിതി സെക്രട്ടറി അഡ്വ. സംഗീത വിശ്വനാഥൻ മുഖ്യപ്രഭാഷണം നടത്തി. ഡോ. കെ സി പ്രകാശൻ, എൻ വി രഞ്ജിത്ത്, കെ വി വിജയൻ, മോഹൻ കുന്നത്ത്, ടി ആർ രഞ്ജു എന്നിവർ സംസാരിച്ചു. ശാഖ, പോഷക സംഘടന ഭാരവാഹികളുടെ നേതൃത്വത്തിൽ തെക്കേ ഗോപുരനടയിൽ സമൂഹ പ്രാർഥനയും ഉപവാസവും നടന്നു.

​ശിവ​പ്ര​സാ​ദ​ ​പ​ഞ്ച​കം 
ഭ​ര​ത​നാ​ട്യ​രൂപത്തിൽ അരങ്ങേറി തൃശൂർ ശ്രീനാരായണഗുരുവിന്റെ സമാധിദിനത്തിൽ 171 നർത്തകിമാർ തീർത്ത ചുവടുകളിൽ ശി​വ​പ്ര​സാ​ദ​ ​പ​ഞ്ച​കം ഭ​ര​ത​നാ​ട്യ​രൂപത്തിൽ അരങ്ങേറി. ​നൃത്താവിഷ്കാരത്തിന്റെ സമർപ്പണച്ചടങ്ങ് പെ​രി​ങ്ങോ​ട്ടു​ക​ര​ ​ആ​ശ്ര​മം​ ​സെ​ക്ര​ട്ട​റി​ ​സ്വാ​മി​ ​ദി​വ്യാ​ന​ന്ദ​ഗി​രി​ ​ ​ഉ​ദ്ഘാ​ട​നം​ ​ചെയ്തു. ​ ശ്രീ​നാ​രാ​യ​ണ​ഗു​രു​വി​ന്റെ​ ​പ്ര​സി​ദ്ധ​മാ​യ​ ​കൃ​തി​ക​ൾ​ ​ഭാ​ര​തീ​യ​ ​നാ​ട്യ​ക​ല​ ക​ളി​ലൂ​ടെ​ ​അ​വ​ത​രി​പ്പി​ക്കു​ന്ന​ ​‘എ​ന്റെ​ ​ഗുരു​ ​പ​ദ്ധ​തി’​യി​ലൂ​ടെ​ ​ഭാ​ഗ​മാ​യാ​ണ് ​ശി​വ​സ്തു​തി​യാ​യ​ ​ശി​വ​പ്ര​സാ​ദ​പ​ഞ്ച​കം​ ​അ​ര​ങ്ങി​ൽ​ ​എ​ത്തി​ച്ചത്. ​ കോ​ഴി​ക്കോട് ​സ്വ​ദേ​ശിനി മ​ഞ്ജു​ ​വി ​നാ​യ​രാണ്​ ശി​വ​പ്ര​സാ​ദ​ ​പ​ഞ്ച​കം​ ​ഭ​ര​ത​നാ​ട്യ​ രൂപത്തിൽ ചിട്ടപ്പെടുത്തിയത്. ചടങ്ങിന് മുന്നോടിയായി, യോഗ ട്രെയിനർ അ​ഞ്ജ​ന​ ​കാ​വു​ങ്ക​ൽ​ ​ചിട്ടപ്പെടുത്തിയ ദൈവദശകം യോഗ അരങ്ങേറി. ഗു​രു​ന​ട​നം​ ​സ്വാ​ഗ​ത​​സം​ഘം​ ​ചെ​യ​ർമാ​ൻ​ ​ടി എ​ൻ​ ​പ്ര​താ​പ​ൻ​ ​അധ്യ​ക്ഷ​നായി. കോർപറേഷൻ സ്ഥിരം സമിതി അധ്യക്ഷൻ പി കെ ഷാജൻ, ടി കെ സ​ന്തോ​ഷ്,​ ​ദിനേ​ശ് ​ബാ​ബു,​ ​രശ്മി വിനോദ്, രാധിക വിപിൻ, ഗിരീഷ് ഉണ്ണിക്കൃഷ്ണൻ, സിദ്ധകുമാർ വടക്കൂട്ട് എന്നിവർ സംസാരിച്ചു.